ចិន៖ តាមប្រភពព័ត៌មានរបស់វេបសាយ new.qq  ដែលបានចុះផ្សាយកាលពីថ្ងៃទី ១៩ ឧសភា បានអោយដឹងពីរឿងរ៉ាវគូស្នេហ៍មកពីខេត្ត Jiangxi ប្រទេសចិន ដែលជាគូស្នេហ៍រវាងស្ត្រីអាយុ ៤២ឆ្នាំ និងបុរសអាយុ ២៧ឆ្នាំ ដែលស្រលាញ់គ្នារហូតដល់រៀបការ។ ប៉ុន្តែ​អ្វី​ដែល​គួរ​ឲ្យ​ភ្ញាក់ផ្អើល​ជាង​នេះ​ទៅ​ទៀត​នោះ គឺខាងបុរស ​ជា​កូន​ប្រុសរបស់​មិត្ត​ជិត​ស្និទ្ធ​របស់ស្រ្តីនោះ ដែលនាង​បាន​ស្គាល់​​តាំង​ពី​នៅ​ក្មេង មុនពេលក្លាយជារឿងស្នេហានៅពេលគាត់ធំឡើង។

តាមសារព័ត៌មានដដែល ស្រ្តីរូបនោះបានកើតនៅឆ្នាំ១៩៨០ រីឯក្មេងប្រុសកើតនៅឆ្នាំ១៩៩៥ ។ នាង គឺជាមិត្តជិតស្និទ្ធរបស់ម្ដាយក្មេងប្រុសនោះអស់រាប់សិបឆ្នាំមកហើយ ដោយស្រ្ដីរូបនោះបានឃើញក្មេងប្រុសតាំងពីកើតមកម្ល៉េះ ហើយពួកគេទាំងពីរស្និទ្ធស្នាលជាមួយគ្នាណាស់។ លុះដល់កូនប្រុសធំឡើងក្លាយជាបុរសសង្ហា គឺចំពេល​ជាមួយ​គ្នា​ដែល​ស្រ្តីវ័យ ៤២ឆ្នាំ បានលែងលះ​ជាមួយ​ប្តី​ដោយសារ​បញ្ហា​អាពាហ៍​ពិពាហ៍​។ ក្រោយមកអ្នក​ទាំង​ពីរ​នៅ​តែ​ស្និទ្ធស្នាល​ដូច​ម្ដាយ​មីង និង​ក្មួយ​ប្រុសដដែល  មុនពេលដែលទំនាក់ទំនងអភិវឌ្ឍបន្តិចម្តងៗទៅជាស្នេហារបស់បុរសនិងស្ត្រី ហើយចុងក្រោយ អ្នកទាំងពីរក៏ចូលទៅប្រាប់ម្តាយរបស់បុរសនោះតាមការពិត (មិត្តភ័ក្តិជិតស្និទ្ធរបស់នារី) ដែលអ្នកទាំងពីរកំពុងតែរាប់អានគ្នា ហើយក៏ត្រៀមនឹងរៀបការ។ ចំណែកម្តាយ​របស់​បុរស​រូប​នេះ​បាន​សារភាព​ថា​នាង​មាន​ការ​តក់ស្លុត​ខ្លាំង​ណាស់​ ប៉ុន្តែរីករាយទទួលយករឿងនេះ ហើយចុងក្រោយ គូស្នេហ៍មួយគូនេះ បានរៀបការប្រហែល ២ឆ្នាំមុន និងទំនាក់ទំនងមិត្តភ័ក្តិល្អបំផុត ដែលបានក្លាយជាម្តាយក្មេក – កូនប្រសារ ពួកគេ​នៅ​តែ​ស្រឡាញ់​គ្នា​យ៉ាង​ស្អិតរមួត​ដូច​សព្វដង៕

អត្ថបទ៖ Bee

ប្រភព៖ new.qq