ថៃ៖ ក្ដៅចិត្តពេក! នារីក្លាហានម្នាក់អង្គុយយាមខោអាវក្នុងអស់ ៣ថ្ងៃ ដើម្បីតាមចាប់ចោររោគចិត្តដែលតែងតែមកលួចឥតឈប់

ថៃ៖ យោងតាមប្រភពព័ត៌មានរបស់ Khaosod  បានអោយដឹងថា នារីម្នាក់បានចំណាយពេល ៣ថ្ងៃ អង្គុយយាមខោអាវក្នុង ដើម្បីចាប់ចោររោគចិត្តដែលតែងតែលួចយកខោអាវក្នុងទៅ។ នារីក្លាហានរូបនោះមានឈ្មោះថា Thidaphon អាយុ ១៩ឆ្នាំ រួមនឹងមិត្ត៣នាក់ បាននាំគ្នាជួយចាប់ជនល្មើសបានសម្រេច ដោយជនល្មើសនោះឈ្មោះថា Narubes Tonnacham អាយុ ៣១ឆ្នាំ ជាអ្នកស្រុក Phon Sung ព្រមជាមួយនឹងកាបូបស្ពាយពណ៌ខ្មៅ និងម៉ូតូដែលបើកបង្កហេតុ។

តាម​ការ​សាកសួរ​ជនល្មើស បាន​សារភាព​ថា លោកបានជិះតាមលួចខោអាវក្នុងរបស់នារីៗពិតមែន ដោយលោកបកស្រាយថា លោកធ្វើតាមបញ្ជារបស់នារីម្នាក់ ដោយលោកពុំបានប្រាប់ឈ្មោះឡើយ ចំណែកសមត្ថកិច្ចវិញគឺពុំជឿនោះទេ ព្រោះយោងតាមករណីដែលធ្លាប់កើតឡើងកន្លងមក គឺជនល្មើសលួចទៅដើម្បីសម្រេចតាមកាមតណ្ហាទៅវិញទេ។ បន្ទាប់​មក​ជន​នេះ​ត្រូវ​បាន​នាំ​ខ្លួន​ទៅ​កាន់​ប៉ុស្តិ៍​នគរបាល Ban Dung និង​ចោទ​ប្រកាន់ពីបទ «ការ​ទន្ទ្រាន​ចូល​ផ្ទះ​ពេល​យប់» និងចាត់ការតាមផ្លូវច្បាប់៕

អត្ថបទ៖ Bee

ប្រភព៖ khaosod