យោងតាមប្រភពសារព័ត៌មាន ejan ដែលបានចុះផ្សាយ កាលពីថ្ងៃទី ២៦ ខែកុម្ភៈ បានអោយដឹងថាក្រុមអ្នកសារព័ត៌មាន បានចុះទៅកាន់កសិដ្ឋាន Chaiyan ភូមិលេខ ៣ ឃុំ Ban Bueng ស្រុក Ban Bueng ខេត្ត Chonburi  ក្រោយ​ពី​ទទួល​ដំណឹង​ថា ក្របី​ដ៏ស្រស់ស្អាត​ត្រូវ​បានគេលក់ក្នុងតម្លៃ ​៦​លាន ​៥​សែន​បាត (ប្រមាណ ១៩ម៉ឺនដុល្លារ)។  ​លោក Chaiyarn Pool Pattanasap អាយុ៣៧ឆ្នាំ ម្ចាស់ក្របី បានបញ្ជាក់ថា ក្របីនេះ ពិតជាលក់បានតម្លៃនេះប្រាកដមែន ដោយក្របីឈ្មោះ ចាវ ថងស៊ុក ភេទឈ្មោល អាយុ២ឆ្នាំ ១១ខែ កំពស់១៦៨ស.ម ទម្ងន់ ១តោន ១០០គីឡូក្រាម ជាក្របីធំជាងក្របីរត់។

ជាមួយគ្នានេះ លោក សោម ពង្ស ដែលជាអ្នក​មក​ទិញ​ក្របី​បាន​ឲ្យ​ដឹង​ថា កសិដ្ឋាន​របស់​លោក​មាន​ពូជ​ក្របី​ចំនួន ៤០ ក្បាល ក្នុង​នោះ​មាន​គោ​ជាង ៦០ ក្បាល ហើយ​ក្នុង​មួយ​សប្តាហ៍​អាច​ចម្រាញ់​ទឹកកាមក្របី រឺគោ​ចេញ​លក់​ឲ្យ​កសិករបានចំនួន ២០០ – ៣០០ បំពង់ ដែលក្នុងនោះ​លក់​បាន​តម្លៃ ១០០០ បាត រឺជាង ៣០ដុល្លារក្នុងមួយបំពង់។ ពីមុនមកលោកធ្លាប់បានតាមដាន ក្របី ថងស៊ុក នេះជាង១ឆ្នាំហើយ  ដោយសារតែវាជាក្របីដ៏ស្អាតល្អឥតខ្ចោះ។ ដូច្នេះ​លោកក៏បាន​ទាក់​ទង​ទិញ​ពី​ចម្ការ​ឆៃយ៉ាន តម្លៃ​បាន​កំណត់​ ៧​លាន​៥​សែន​បាត ទើប​សុំ​ចរចាបាន​តម្លៃ​ ៦​លាន​៥​សែន​បាត ឬ ជិត២០មុឺនដុល្លារ ដែលត្រូវបានចាត់ទុកថា ថ្លៃបំផុតចាប់តាំងពីការទិញក្របីមក ហើយក៏ជាការទិញក្របីដ៏ថ្លៃជាងគេនៅប្រទេសថៃ បំបែកកំណត់កំណត់ត្រាថ្មីក្នុងការលក់ដូរក្របីផងដែរ៕

អត្ថបទ៖ Bee

ប្រភព៖ ejan.co

បុរសមកពីខេត្ត Mahasarakham វេចលុយ​៦​លាន​៥​សែន​បាត ឬប្រមាណជាជិត 20មុឺនដុល្លា មក​សុំ​ដូរយកក្របី​ថៃ ខេត្ត ឈុន​បុរី និង​ ខេត្ត ឧថៃថានី ហើយនេះ​ជា​ការ​ជួញ​ដូរ​ក្របី​ថ្លៃ​បំផុត​នៅ​ប្រទេស​ថៃ