ថ្មីៗនេះ កោះតៃវ៉ាន់​បាន​ធ្វើ​សមយុទ្ធ​មីស៊ីលជាច្រើននៅ​ដែនទឹក​ភាគ​ខាងកើត​របស់​ខ្លួន នៅទីតាំងដែលចិន​កំពុង​បង្កើន​សកម្មភាព​យោធា​។ កងទ័ពជើងទឹករបស់តៃវ៉ាន់និយាយថា ខ្លួនបានធ្វើសមយុទ្ធក្នុងរយៈពេលជាច្រើនថ្ងៃក្នុងខែនេះ នៅឯមូលដ្ឋានមីស៊ីលមួយនៅក្នុងស្រុក Pingtung ភាគខាងត្បូង និងនៅមហាសមុទ្រប៉ាស៊ីហ្វិក ភាគខាងកើតកោះតៃវ៉ាន់។ ខ្លួនបាននិយាយថា មីស៊ីលត្រូវបានបាញ់ចេញពីដី កប៉ាល់ និងយន្តហោះប្រឆាំងនឹងនាវា ហើយមានភាពច្បាស់លាស់ប្រហែល ៩៨%។

ប្រភពបាននិយាយថា សមយុទ្ធនេះក៏មានការបាញ់សាកល្បងមីស៊ីល Hsiung Feng II ដែលជាមីស៊ីលប្រឆាំងនាវា ដែលត្រូវបានបង្កើតឡើងដោយតៃវ៉ាន់ ហើយវាត្រូវបានបាញ់ជាលើកដំបូងដោយប្រើនាវាល្បាតថ្មី។ គួរឱ្យដឹងដែរថា នាវាផ្ទុកយន្តហោះចិន Liaoning ត្រូវបានដាក់ពង្រាយនៅភាគខាងកើតកោះតៃវ៉ាន់ក្នុងខែនេះ។ ការចាកចេញ និងចុះចតឧទ្ធម្ភាគចក្រជាង ៣០០ គ្រឿង ពីនាវា Liaoning ក៏ត្រូវបានគែបញ្ជាក់ផងដែរ។ ជាមួយគ្នានេះដែរ យន្តហោះ​ចម្បាំង និង​យន្តហោះ​ទម្លាក់​គ្រាប់​របស់​ចិន ​ក៏​ឆ្លង​កាត់​តំបន់​នេះ​ជា​ញឹក​ញាប់ផងដែរ៕

អត្ថបទ៖ លីដា
ប្រភព៖ NHK