ថៃ៖ ដាក់ស្លាកហើយនៅតែពូកែចតមុខផ្ទះទៀត យុវជនម្នាក់ជាម្ចាស់ផ្ទះសម្រេចធ្វើបែបនេះ ស្អែកឡើងគ្មានឡានណាហ៊ានចតសូម្បីមួយគ្រឿង

ថៃ៖  រឿងចតឡានខាងមុខផ្ទះ គឺជាបញ្ហាចាក់ស្រេសខ្លាំងមួយនៅក្នុងសង្គម ហើយពេលខ្លះអាចបង្កជាជម្លោះថែមទៀតផង។ យ៉ាងណាមិញ នាពេលថ្មីៗនេះ មានយុវជនម្នាក់កំពុងល្បីនៅលើបណ្ដាញសង្គមថៃ ដោយសារគំនិតដ៏ល្អមួយ ដែលអាចធ្វើឱ្យម្ចាស់ឡានដែល​ចេះតែដើរចតគ្មានសណ្ដាប់ធ្នាប់ លែងហ៊ានធ្វើដូច្នេះទៀត។

យុវជនរូបនោះបានបង្ហោះនៅលើហ្វេសប៊ុកដោយណែនាំថា៖ “ម្ចាស់ផ្ទះគួរតែឈប់ប្រើផ្លាកសញ្ញាហាមចតមុខផ្ទះ ដោយប្រើស្លាកថ្មីហើយសរសេរថា មានចំណតឡានជួលមួយខែ ៣ពាន់បាត ឬ ជិត ១០០ដុល្លារជំនួសវិញ”។ យ៉ាងណាមិញ ក្រោយធ្វើបែបនេះ លុះព្រឹកឡើង​បើក​ទ្វារ​មក​មើល គ្មានឡានសូម្បីតែ ១គ្រឿង ហើយក្រោយមកត្រូវបានចែករំលែកពីបងប្អូនក្នុងសង្គមអនឡាញជាច្រើន៕

អត្ថបទ៖ Bee

ប្រភព៖ thairath