ថៃ៖ សំណាងមែន! គ្រាន់តែសាកទិញឆ្នោតដូចស្លាកលេខឡានខ្លួនឯងសោះ ចៃដន្យឈ្នះទឹកប្រាក់ជាង ៣០មុឺនដុល្លារ យកមកដោះបំណុល និងធ្វើបុណ្យ

ថៃ៖ អ្នកស្រី វណ្ណា តាខាម អាយុ ៥៦ឆ្នាំ ទទួលបានលាភសំណាងក្រោយទិញឆ្នោតជាតិថៃចំនួន ២សន្លឹកកាលពីថ្ងៃទី០១ ខែមិថុនា ឆ្នាំ២០២២ ហើយបានត្រូវឆ្នោតជាតិរង្វាន់លើកទី១ ទទួលបានទឹកប្រាក់រហូតដល់​ ១២លានបាត ឬ ជាង ៣០ម៉ឺនដុល្លារ។ អ្នកស្រី  វណ្ណា តាខាម  ដែលមានមុខរបរជាអ្នកលក់បាយម្ហូបនៅមុខពីមន្ទីរពេទ្យខេត្ត បានផ្តល់បទសម្ភាសន៍ដល់អ្នកសារព័ត៌មានថា៖

«កាលពីខែមុន រថយន្តភីកអាប់ Isuzu របស់លោកស្រី ស្លាកលេខ ៣១៩៦ បានចតនៅមុខហាងលក់គ្រឿងទេសមួយ នៅលើយានដ្ឋានអាកាសនៅ​មុខ​មន្ទីរពេទ្យ​ឡាំប៉ាង ស្រាប់តែ​មាន​រថយន្ត​បុក​ពីក្រោយ​។ បន្ទាប់មកក៏មានអ្នកលក់ឆ្នោតជាតិកំពុងតែលក់នៅពីមុខមន្ទីរពេទ្យខេត្ត ដើរចូលមកហៅអោយទិញលេខ ១៩៦ ទៅ គាត់គិតថា ចង់ទិញសាកល្បងក្រែងចៃដន្យត្រូវឆ្នោត ទើបលោកស្រីក៏សាកទិញទៅ លុះក្រោយមក ស្រាប់តែត្រូវឆ្នោតរង្វាន់ទី១ពិតមែន។ ជាចុងក្រោយលោកស្រី វណ្ណា ក៏បានតាំងចិត្តថា លោកស្រីនៅតែប្រកបរបរលក់បាយម្ហូបដូចដើម ហើយនឹងយកប្រាក់ដែលបានពីការត្រូវឆ្នោតនេះទៅសងបំណុល ក៏ដូចជា យកទៅធ្វើបុណ្យ ចែកអោយកូន ២នាក់ និងមួយផ្នែកទៀតនឹងយកទៅអោយអ្នកលក់ឆ្នោតដែលបានហៅអោយលោកស្រីទិញដើម្បីផ្សងសំណាង៕

អត្ថបទ៖ Bee

ប្រភព៖sanook