នារីវ័យក្មេងម្នាក់បានរៀបរាប់ពី នាទីជិតស្លាប់ បន្ទាប់ពីភ្លេចខ្លួនញ៉ាំទុរេន និងផឹកស្រាបៀរ ភ្លាមៗនោះក៏ស្រាប់តែដកដង្ហើមមិនរួច សំណាងល្អមិត្តភ័ក្តិរបស់នាង បានបញ្ជូនទៅមន្ទីរពេទ្យទាន់ពេលវេលា។ តាមរយៈ បានបង្ហោះវីដេអូឃ្លីបជារូបភាព បន្ទាប់​ពី​ខ្លួន​នាង​បាន​ញ៉ាំ​ទុរេន និង​ផឹក​ស្រាបៀរ រហូតដល់មានការភ្ញាក់ផ្អើល ដោយនាងត្រូវ​បានដឹកដោយ​រថយន្ត​សង្គ្រោះ​​ទៅ​មន្ទីរពេទ្យ​ជា​បន្ទាន់។ ជាមួយគ្នានេះ​នាងបានសរសេរសារដើម្បីទុក​​រំលឹក​ខ្លួន​ឯង សម្រាប់ហេតុការណ៍មួយនេះ និងសូម​អរគុណ​អ្នក​នៅ​ក្បែរ​នាង និង​មិត្តភ័ក្តិ​ដែល​មិន​បោះបង់ចោលនាងផងដែរ។

នៅក្នុងវីដេអូឃ្លីប គេឃើញនាងនៅលើរថយន្តសង្គ្រោះបន្ទាន់ ក្នុងសភាពស្ទើរសន្លប់ បើកភ្នែកធំៗ ស្រាប់តែមានយុវជនម្នាក់ ចាំទះកំផ្លៀងនាង ដើម្បីហៅអោយនាងដឹងខ្លួននិងស្រែកថាកុំដេកៗ។ យ៉ាងណាមិញ បន្ទាប់ពីចេញពីមន្ទីរពេទ្យ នាង​បាន​បង្ហោះ​ឃ្លីប​រៀបរាប់​ពី​ហេតុការណ៍​នេះ​ ដោយផ្តើមចេញពីពេលដែល « នាងញ៉ាំទុរេន ៣ដុំ ផឹកស្រាបៀរអស់ ២ដប ប៉ុន្តែដបទី២ មិនអស់ផង ខ្ញុំក៏មានរោគសញ្ញាក្តៅពេញខ្លួន តឹងទ្រូង ថប់ដង្ហើម ហាក់ដូចជាមានអ្វីម្យ៉ាងស្ទះបំពង់កគ្រប់ពេលវេលា»។

គួរបញ្ជាក់ថា កន្លង​មក​លោក​សាស្ត្រាចារ្យ​បណ្ឌិត Jesada Denduangboriban សាស្ត្រាចារ្យ​ផ្នែក​វិទ្យាសាស្ត្រ សាកលវិទ្យាល័យ Chulalongkorn បាន​ចេញ​ប្រកាស​ព្រមាន​អំពី​បញ្ហា​នេះ បន្ទាប់​ពី​ទាហាន​អាយុ ២៤ ឆ្នាំ​ម្នាក់​មក​ពី​ខេត្ត Lampang បាន​ញ៉ាំ​ទុរេន​អម​ដោយ​ស្រាបៀរបន្ទាប់​មក​ក៏​សន្លប់ និង​ថប់​ដង្ហើម​រហូត​ដល់​ស្លាប់​នៅ​ថ្ងៃ​ទី​៥ ឧសភា កន្លងមក៕

អត្ថបទ៖ Bee

ប្រភព៖ sanook