ក្រុមហ៊ុនថាមពលរបស់រដ្ឋាភិបាលស្រីលង្កា បានស្នើសុំដំឡើងថ្លៃអគ្គិសនីរហូតដល់ ៨៣៥ ភាគរយ

សារព័ត៌មាន AFP និង France 24 បានរាយការណ៍ថា គណៈកម្មការឧបករណ៍ប្រើប្រាស់ស្រីលង្កា (PUCSL) បាននិយាយថាក្រុមហ៊ុនថាមពលរបស់រដ្ឋាភិបាលស្រីលង្កាគឺ Ceylon Electricity Board (CEB) បានស្នើសុំដំឡើងថ្លៃអគ្គិសនីរហូតដល់ ៨៣៥ ភាគរយ បន្ទាប់ពីបានជួបប្រទះការខាតបង់ជាង ៦៥ពាន់លានរូពី​របស់​ស្រីលង្ការ ក្នុងត្រីមាសទី១ ឆ្នាំ២០២២ ហើយ CEB នឹងកែសម្រួលតម្លៃសេវាកម្មថ្មីសម្រាប់អ្នកប្រើប្រាស់ថាមពលខ្នាតតូច។

របាយការណ៍​បញ្ជាក់​ដូច្នេះថា អ្នកប្រើប្រាស់តិចជាង ៣០គីឡូវ៉ាត់ក្នុងមួយខែ និងការកែសម្រួលតម្លៃថ្មីរបស់ CEB នឹងធ្វើឱ្យអតិថិជនតូចៗមានការកើនឡើងជិត ២ដុល្លារក្នុងមួយខែសម្រាប់អគ្គិសនី ខណៈដែលវិក្កយបត្រអគ្គិសនីពាណិជ្ជកម្មនិងឧស្សាហកម្ម ត្រូវបានគេរំពឹងថានឹងកើនឡើងពី ៤៣ភាគរយដល់ ៦១ភាគរយ។ ទោះជាយ៉ាងណាក៏ដោយ រដ្ឋាភិបាលត្រូវតែពិចារណាលើសំណើរបស់ CEB មុនពេលអនុម័តការប្រើប្រាស់ ដោយគេរំពឹងថា ប្រសិនបើអាជ្ញាធរអនុម័ត CEB នឹងត្រូវបានអនុញ្ញាតឱ្យគិតប្រាក់ពីអតិថិជនដែលជាអ្នកនាំចេញជារូបិយប័ណ្ណបរទេស ជាពិសេសប្រាក់ដុល្លារអាមេរិក ដំឡើងរូបិយប័ណ្ណបរទេស ដើម្បីទូទាត់ថ្លៃទំនិញ និងប្រេងដែលត្រូវនាំចូល៕

អត្ថបទ៖ Bee
ប្រភព៖ khaosod