ប្រទេសជប៉ុន និង​សហរដ្ឋអាមេរិកបាន​ធ្វើ​សមយុទ្ធ​រួម​រួម​គ្នា ដោយមានទាំង​ការ​បាញ់អាវុធ​ប្រឆាំង​រថក្រោះ Javelin ដែលជាអាវុធ​ចល័ត ​ដូចគ្នានឹងអាវុធដែល​អាមេរិក​ផ្គត់ផ្គង់​ឱ្យ​អ៊ុយក្រែនផងដែរ។ កងកម្លាំងប្រហែល ១,៤០០ នាក់ មកពីកងកម្លាំងស្វ័យការពារជើងគោករបស់ប្រទេសជប៉ុន និងប្រហែល ៧០០ នាក់ មកពីកងទ័ពសហរដ្ឋអាមេរិក កំពុងចូលរួមក្នុងសមយុទ្ធដែលបានចាប់ផ្តើមកាលពីថ្ងៃអាទិត្យ នៅឯកន្លែងហ្វឹកហ្វឺន GSDF នៅទូទាំងតំបន់ Kyushu ។ សមយុទ្ធនេះមានគោលបំណងធ្វើឱ្យប្រសើរឡើង នូវសមត្ថភាពឆ្លើយតបដើម្បីការពារកោះដាច់ស្រយាលរបស់ប្រទេសជប៉ុន។

នៅកន្លែងមួយក្នុងទីក្រុង Yamato ខេត្ត Kumamoto កងកម្លាំងជប៉ុន និងអាមេរិកសរុបប្រហែល ១៥០ នាក់ បានចូលរួមក្នុងសមយុទ្ធ ដែលត្រូវបានបង្ហាញទៅដល់ប្រព័ន្ធផ្សព្វផ្សាយ ខណៈទាហាន​អាមេរិក​បានបាញ់មីស៊ីលចេញពីអាវុធ Javelin ចំនួន ២ ​គ្រាប់​ទៅកាន់​គោលដៅ​ចម្ងាយ​ ២ ​គីឡូម៉ែត្រ។ វាត្រូវបានគេរាយការណ៍ថា ជាសមយុទ្ធបាញ់គ្រាប់ពិតលើកដំបូងដោយប្រើអាវុធ Javelin ដែលធ្វើឡើងដោយយោធាអាមេរិកនៅក្នុងប្រទេសជប៉ុន។ អាវុធ Javelin ត្រូវ​បាន​ទាហាន​អ៊ុយក្រែន​ប្រើ​ ដើម្បី​ការពារ​រដ្ឋធានីគៀវ ក្រោយ​ការ​ឈ្លានពាន​របស់​រុស្ស៊ី។ នៅក្នុងសមយុទ្ធនេះ កម្លាំងស្វ័យការពារក៏បានបាញ់មីស៊ីលប្រឆាំងរថក្រោះផ្សេងទៀតផងដែរ ហើយសមយុទ្ធ​រួម​នេះ នឹង​បន្ត​រហូត​ដល់​ថ្ងៃ​ទី​៣ ខែ​កញ្ញា៕

អត្ថបទ៖ លីដា
ប្រភព៖ NHK