ហាងកាហ្វេ Pusheen ដំបូងគេបង្អស់របស់ពិភពលោកនឹងចាប់ផ្តើមនៅខែមករា ឆ្នាំ២០១៩ នៅក្នុងប្រទេសសិង្ហបុរី

អ្នកចូលចិត្តគាំទ្រឆ្មាពណ៌ប្រផេះតូចគួរឱ្យស្រឡាញ់ឈ្មោះ Pusheen នេះនឹងរីករាយ ស្របពេលដឹងថាហាងកាហ្វេ Pusheen ដែលត្រូវបានបើកនៅលើពិភពលោកដំបូងបង្អស់ នឹងត្រូវបើកដំណើរការឆាប់ៗនេះ។ តុក្កតាដែលគួរឱ្យស្រលាញ់ដែលបានចាប់យកបេះដូងអ្នកលេងអ៊ិនធឺណិតចាប់តាំងពីឆ្នាំ ២០១០ នឹងត្រូវបានបង្ហាញខ្លួននៅក្នុងហាងកាហ្វេពិសេសមួយនៅក្នុងប្រទេសសិង្ហបុរីនៅខែមករា ឆ្នាំ២០១៩នេះ ។

ឆ្មា Pusheen ត្រូវបានបង្កើតឡើងដោយប្តីប្រពន្ធអាមេរិកនាង Claire Belton និង លោក Andrew Duff ហើយតួអង្គឆ្មានេះ គឺមានលើរបស់គ្រប់ប្រភេទដូចជា៖ គំនូរ ទំនិញគ្រប់ប្រភេទ សៀវភៅ និងភាពយន្ត។ ហើយឥឡូវនេះ Business Insider បានរាយការណ៍ថា ហាងកាហ្វេ Pusheen ដំបូងគេនៅលើពិភពលោកនឹងត្រូវបើកនៅថ្ងៃទី៦ ខែមករា ឆ្នាំ២០១៩ នៅហាងកាហ្វេមួយឈ្មោះ Jalan Klapa Kumoya ។ ទោះជាយ៉ាងណាក៏ដោយវាគ្រាន់តែជាហាងកាហ្វេលេចធ្លោដែលត្រូវបានគេរំពឹងទុកថានឹងមានរយៈពេលរហូតដល់ខែមីនា។ មិនតែប៉ុណ្ណោះហាងកាហ្វេនេះនឹងមានពេញទៅដោយការតុបតែងបែបឆ្មា Pusheen ដែលត្រូវបានរចនាដោយអ្នកស្រី Belton ជាមួយនិងម៉ឺនុយម្ហូបអាហារដែលមើលទៅគួរឱ្យស្រឡាញ់ផងដែរ៕

អត្ថបទ៖ លីដា
ប្រភព៖ worldofbuzz