Solskjaer បានជួបនិងផ្តល់ដំបូន្មានឱ្យ Marcus Rashford មួយខែមុនពេលក្លាយជាអ្នកចាត់ការក្លឹប Man Utd

លោក Solskjaer បានទទួលជ័យជម្នះ ៣ប្រកួតជាប់ៗគ្នាក្នុងការដឹកនាំរបស់គាត់នៅក្លឹប Manchester United ជាមួយនឹងការដាក់កីឡាករ Rashford ឲដោយចាប់ផ្តើមលេងជម្រើសដំបូង។ Solskjaer បាននិយាយថាគាត់បាននិយាយជាមួយ Rashford កាលពីក្លឹប Manchester United ប្រកួតជាមួយក្លឹប Young Boys កាលពីខែមុន។

អ្នកចាត់ការក្លឹប Solskjaer បាននិយាយថា: “ខ្ញុំបានទៅមើលការប្រកួតជាមួយក្លឹប Young Boys កាលពីមួយខែមុនហើយខ្ញុំបានជួបគាត់[Rashford] និង[Lingard] នៅក្នុងច្រកចេញខណៈដែលខ្ញុំកំពុងចាកចេញពីការប្រកួត។ គាត់មានឱកាសពីរបីលើកក្នុងការប្រកួតនោះហើយ [ខ្ញុំបាននិយាយ] កុំបារម្ភកូនប្រុសគ្រាន់តែមានអារម្មណ៍ធូរស្រាលបន្តិចនៅមុខទី “។ លោក Solskjaer បានអះអាងថាគាត់មានការរំភើបក្នុងការធ្វើការជាមួយក្មេងៗដែលទេពកោសល្យក្នុងក្រុមរបស់គាត់ហើយគាត់និងប្រាប់ពីរបៀបរកគ្រាប់បាល់បញ្ចូលទីរបស់គាត់ទៅលើកីឡាករ។

អត្ថបទ៖ ប៊ុនហួរ
ប្រភព៖ The Sun