ឃើញ Bayern Munich ចង់បានខ្សែប្រយុទ្ធវ័យ 20 ឆ្នាំរបស់ Chelsea ឥលូវនេះ Juventus មកធ្វើឯងចង់បានឯណាដែរ

ក្លឹបសេះបង្កង់ Juventus រួមជាមួយនឹងក្លឹប Bayern Munich កំពុងប្រជែងគ្នាដណ្ដើមខ្សែប្រយុទ្ធវ័យក្មេង Callum Hudson-Odoi របស់ក្លឹបតោខៀវ Chelsea នៅក្នុងទីផ្សារដោះដូរកីឡាករខែមករានេះ។

យោងតាមការបញ្ជាក់ពីការរាយការណ៍មួយបានឲ្យដឹងថា៖ ក្លឹបសេះបង្កង់ Juventus ពេលនេះកំពុងសម្លឹងមើលខ្សែប្រយុទ្ធវ័យក្មេងមួយរូបទៀត ខណៈដែលខ្សែប្រយុទ្ធ Hudson-Odoi ស្ថិតក្រោមការតាមប្រមាញ់របស់ក្លឹប ក្រោយពេលសម្លឹងឃើញទេពកោសល្យរបស់យុវជនវ័យ 20 ឆ្នាំមិនធម្មតា។ ក្រៅពី Hudson-Odoi ក្លឹបសេះបង្កង់ Juventus កំពុងត្រៀមចុះហត្ថលេខាយកខ្សែបម្រើ Aaron Ramsey ពីក្លឹបកាំភ្លើងធំ Arsenal នៅក្នុងពេលបញ្ចប់រដូវកាលនេះដោយគ្មានតម្លៃផ្ទេរ។

ដូចគ្នានឹងការចង់បានរបស់ក្លឹប Juventus លើខ្សែប្រយុទ្ធ Hudson-Odoi នោះ ក្លឹប Bayern Munich ក៏កំពុងតាមចែចូវខ្សែប្រយុទ្ធសញ្ជាតិអង់គ្លេសរូបនេះដូចគ្នាដោយសន្យាផ្ដល់អាវលេខ 10 ឲ្យរូបគេនៅក្នុងរដូវកាលក្រោយ នៅពេលដែល Robben ចាកចេញពីក្លឹប។ ហើយក្លឹប Bayern Munich ក៏ផ្ដល់សំណើរឲ្យខ្សែប្រយុទ្ធរូបនេះដល់ទៅ 3 ប្រសិនបើ Odoi ព្រមមក Bayern Munich ស្របពេលដែលខ្សែប្រយុទ្ធវ័យ 20 ឆ្នាំរូបនេះបានបញ្ឈប់ការចចារជាមួយនឹង Chelsea ដើម្បីស្វែងរកផ្លូវចាកចេញពីទឹកដី Stamford Bridge បន្ទាប់ពីរូបនេះពុំសូវបានបង្ហាញខ្លួនឲ្យក្លឹប។

បុត្រ

ប្រភព៖ Goal