ទាហាន​ថៃ​ម្នាក់​បាន​ស្លាប់ និង​ម្នាក់​ទៀត​រង​របួស​ធ្ងន់​ធ្ងរ​ នៅ​កំឡុង​ពេល​បេសកកម្ម​បោស​សម្អាត​មីន​មនុស្សធម៌ នៅឯតំបន់​ព្រំដែន​កម្ពុជា-ថៃ កាល​ពី​ថ្ងៃ​ព្រហស្បតិ៍។ ពលទាហានទាំង ២ មានឈ្មោះ Akkaraphol Phuwadolworanat និង Warongkorn Sri-ngam បានទៅដោះមីន​ដែល​​បន្សល់​ទុកពី​ជម្លោះ​​មុនៗ ​នៅឯ​ស្រុក Kantharalak ខេត្ត​ Si Saket។ លោក Akkaraphol បានស្លាប់ ហើយលោក Warongkorn ក៏បានរងរបួសយ៉ាងធ្ងន់ធ្ងរ នៅពេលដែលមីនមួយបានផ្ទុះនៅម៉ោង ១០ និង ៣០ នាទីព្រឹកថ្ងៃព្រហស្បតិ៍។ គួរឱ្យដឹងដែរថា ស្រុក Kantharalak គឺជាទីតាំងនៃជម្លោះដ៏យូរទស្សវត្សន៍ជុំវិញទឹកដីប្រាសាទព្រះវិហារ។

នាយករដ្ឋមន្រ្តីលោក ប្រាយុទ្ធ ចាន់អូចា បានសម្តែងការរំលែកទុក្ខដល់គ្រួសារទាហានទាំង ២ និងបានណែនាំដល់មេបញ្ជាការឱ្យដាក់ការប្រុងប្រយ័ត្នបន្ថែម សម្រាប់បេសកកម្មដែលនៅសល់។ កងទ័ព​នឹង​រៀបចំ​ពិធីបុណ្យ​សព​ឱ្យលោក Akkaraphol និង​ផ្តល់​អត្ថប្រយោជន៍​ដល់​គ្រួសារ​ទាហាន​ទាំង ២ តាម​បទប្បញ្ញត្តិ។

ក្រសួងការពារជាតិថៃបាននិយាយថា រហូតមកដល់ពេលនេះ ខ្លួនបានបោសសម្អាតមីនចេញពីផ្ទៃដីចំនួន ២,៥២៧ គីឡូម៉ែត្រក្រឡា ក្នុងខេត្តចំនួន ២១។ ប្រហែល ២៩.៧ គីឡូម៉ែត្រការ៉េ ក្នុងខេត្តចំនួន ៦ ផ្សេងទៀត នៅតែត្រូវការការបោសសម្អាត។ គួររំលឹកផងដែរថា អាជ្ញាធរ​ថៃ និង​កម្ពុជា បាន​ជួប​ប្រជុំ​គ្នា​កាលពី​ថ្ងៃ​ទី០​៨ ខែ​ធ្នូ ឆ្នាំ២០២២ ដោយបាន​ព្រមព្រៀង​គ្នា​ក្នុង​ការ​ពន្លឿន​ការ​បោស​សម្អាត​មីន​នៅ​តាម​ព្រំដែន ដើម្បី​ធានា​សុវត្ថិភាព​ប្រជាជនក្នុង​មូលដ្ឋាន៕

អត្ថបទ៖ លីដា
ប្រភព៖ The Nation Thailand