Real Madrid បន្តទៅកាន់វគ្គ ៨ក្រុមចុងក្រោយនៃពានរង្វាន់ Copa de Rey ក្រោយយកឈ្នះ Villarreal យ៉ាងប្រផិតប្រផោយ

ក្រុមស្តេចស Real Madrid បានបន្តដំណើរទៅកាន់វគ្គ ៨ក្រុមចុងក្រោយនៃពានរង្វាន់​ Copa de Rey ដោយសុវត្ថិភាពហើយ ក្រោយបានយកឈ្នះទៅលើក្រុម Villarreal យ៉ាងប្រផិតប្រផោយក្នុងការប្រកួតកាលពីយប់មិញនេះ។ ក្រោយការលេងអស់រយៈពេល ៩០នាទី លទ្ធផលបានបញ្ចប់ទៅដោយក្រុម Real Madrid ទទួលបានជ័យជំនះលទ្ធផល ៣ ទល់ ២។

គ្រាប់បាល់ចំនួន ៣គ្រាប់ដែលបានជួយឲ្យក្រុមស្តេចសអាចឡើងទៅវគ្គប​ន្ទាប់នេះគឺអាចសម្រេចបានដោយកីឡាករវ័យក្មេងសញ្ជាតិប្រេស៊ីល Vinicius Junior នៅនាទី ទី៥៧ ហើយគ្រាប់បាល់ទី ២ គឺអាចសម្រេចបានដោយកីឡាករខ្សែការពារកណ្តាល​ Eder Militao នៅនាទី ទី៦៩ ខណៈ ១គ្រាប់ចុងក្រោយគឺអាចសម្រេចបានដោយកីឡាករ Dani Ceballos នៅនាទី ទី៨៦ ដែលជាកីឡាករទើបប្តូរឲ្យចូលលេងជំនួសកីឡាករ Toni Kroos៕

អត្ថបទ៖ ភក្តី

ប្រភព៖ Live Score