កីឡាករនិងបុគ្គលិករបស់ក្លឹបបិសាចក្រហម Manchester United ស្នើសុំឲ្យក្លឹបតែងតាំងលោក Ole Gunnar Solskjaer ជាគ្រូបង្វឹកអចិន្រ្តៃយ៍

កីឡាករនិងបុគ្គលិករបស់ក្លឹបបិសាចក្រហម Manchester United ចង់ឲ្យក្លឹបបិសាចក្រហម Manchester United តែងតាំងគ្រូបង្វឹកលោក Ole Gunnar Solskjaer ជាគ្រូបង្វឹកអចិន្រ្តៃយ៍របស់ក្លឹប បន្ទាប់ពីគ្រូបង្វឹករូបនេះបង្ហាញទំរង់ដឹកនាំដ៏ល្អហើយពុំទាន់ស្គាល់ពាក្យថាចាញ់។

គិតមកដល់ពេលនេះលោក Ole Gunnar Solskjaer ដឹកនាំក្លឹបបិសាចក្រហម Manchester United បានចំនួន 6 ប្រកួតដោយមិនទាន់ស្គាល់ពាក្យថាចាញ់ ជាពិសេសកីឡាកររបស់ក្លឹបយក្សអង់គ្លេសមួយនេះពេញចិត្តការដឹកនាំរបស់លោក Solskjaer មែនទែនហើយបានស្នើសុំឲ្យក្លឹបបិសាចក្រហម Manchester United តែងតាំងគ្រូបង្វឹកន័រវ៉េរូបនេះជាគ្រូបង្វឹកអចិន្រ្តៃយ៍របស់ក្លឹប។ លោក Ole Gunnar Solskjaer ត្រូវបានក្លឹបបិសាចក្រហម Manchester United តែងតាំងជាគ្រូបង្វឹកបណ្ដោះអាសន្ន បន្ទាប់ពីក្លឹបយក្សរបស់ទីក្រុង Manchester មួយនេះបណ្ដេញលោក Jose Mourinho ចេញពីដំណែងដោយសារតែទំរង់ដឹកនាំរបស់លោក Mourinho ធ្លាក់ចុះយ៉ាងខ្លាំង។

ក្រោមយុទ្ធសាស្រ្ដដឹកនាំថ្មីរបស់លោក Ole Gunnar Solskjaer កីឡាករបង្ហាញភាពសប្បាយរីករាយនិងពេញចិត្តការដឹកនាំរបស់លោកយ៉ាងខ្លាំង ហើយក៏បានសំណូមពរទៅកាន់ក្លឹបឲ្យតែងតាំងលោកជាគ្រូបង្វឹកផ្លូវការរបស់ក្លឹប។

បុត្រ

ប្រភព៖ Goal