មួយរយៈចុងក្រោយនេះ គេឃើញថាក្រុមតោខៀវ Chelsea ដែលដឹកនាំដោយគ្រូបង្វឹកលោក Maurizio Sarri ហាក់បីដូចជាបង្ហាញទំរង់លេងមិនសូវបានល្អសោះ ដោយប្រកួតចុងក្រោយបានបរាជ័យលើក្រុម Manchester City ក្នុងលទ្ធផលរហូតដល់ទៅ៦ទល់នឹង០ និងក្រុមដែលមានចំណាត់ថ្នាក់ពាក់កណ្តាលតារា AFC Bournemouth ក្នុងលទ្ធផលរហូតដល់ទៅ៤ ទល់នឹង០។
ពេលនេះក្រុមតោខៀវ Chelsea ចង់ឲ្យអតីតគ្រូបង្វឹកក្រុមយក្សមកពីអេស៉្បាញ Real Madrid លោក​ Zinedine Zindane មកជំនួសតំណែងជាគ្រូបង្វឹករបស់លោក Maurizio Sarri វិញ។ ពេលបច្ចុប្បន្ននេះ លោក Sarri កំពុងតែបង្កើនសម្ពាធដល់ក្រុមយ៉ាងខ្លាំងនៅក្នុងទឹកដី Stamford Bridge បន្ទាប់ពីចាញ់ផ្ទួនៗ គ្នា។ នៅពេលនេះ ថ្នាក់លើរបស់ក្រុមតោខៀវ Chelsea បានធ្វើការពិភក្សាដើម្បីនាំយកគ្រូបង្វឹកសញ្ជាតិបារំាង លោក Zidane ដែលលោកបានចាកចេញពី ក្រុមបិសាចស Real Madrid កាលពីឆ្នាំមុន ក្រោយលើកពាន Champion League បីឆ្នាំជាប់ៗ គ្នា៕