លោក ដូណាល់ ត្រាំ កំពុងចំណាយពេលមួយយប់នៅទីក្រុង Miami រដ្ឋ Florida មុនពេលដែលគាត់ត្រូវបង្ហាញខ្លួននៅក្នុងតុលាការនៅទីនោះនៅថ្ងៃអង្គារ ដោយចោទប្រកាន់ពីបទគ្រប់គ្រងឯកសារសន្តិសុខជាតិខុស។ អតីតប្រធានាធិបតីអាមេរិករូបនេះ បានហោះចេញពីក្លឹបវាយកូនហ្គោលរបស់គាត់នៅ Bedminster រដ្ឋ New Jersey ទៅកាន់រមណីយដ្ឋាន Trump Doral នៅជិត Miami ។ លោកកំពុងប្រឈមមុខនឹងការចោទប្រកាន់រាប់សិបករណី ពីបទរក្សាដោយខុសច្បាប់នូវព័ត៌មានជាតិ រួមទាំងមួយចំនួនអំពីអាថ៌កំបាំងនុយក្លេអ៊ែរផងដែរ។ នេះ​ជា​លើក​ទី​២​ហើយ​នៅ​ឆ្នាំ​នេះ ដែល​គាត់​ត្រូវ​បាន​ចោទ​ប្រកាន់​ពី​បទ​ឧក្រិដ្ឋ។

លោក ត្រាំ ដែលធ្វើយុទ្ធនាការដើម្បីវិលត្រឡប់ទៅកាន់សេតវិមាននៅឆ្នាំ២០២៤ បានបដិសេធថាគាត់មិនបានធ្វើអ្វីខុសទេ ខណៈដែលលោកប្រឈមមុខនឹងការកាត់ទោសព្រហ្មទណ្ឌសហព័ន្ធជាលើកដំបូង ប្រឆាំងនឹងអតីតប្រធានាធិបតីអាមេរិក។ គាត់ហាក់បីដូចជាស្ងាត់ស្ងៀម នៅពេលដែលគាត់បានដើរចូលទៅក្នុងហាងសាច់អាំងនៅឯរមណីយដ្ឋានវាយកូនហ្គោល Miami របស់គាត់កាលពីល្ងាចថ្ងៃចន្ទ។ លោក ត្រាំ បានសួរសុខទុក្ខភ្ញៀវនៅភោជនីយដ្ឋាន BLT Prime ជាមួយនឹងការលើកមេដៃ ហើយថែមទាំងបានថតរូបជាមួយបុរសមួយក្រុម ដែលកំពុងសប្បាយនឹងពេលវេលារបស់ពួកគេនៅទីនោះផងដែរ៕

អត្ថបទ៖ លីដា
ប្រភព៖ BBC