អន្តរជាតិ

កោះបាលីបានប្រកាសហាមប្រាម រាល់សកម្មភាពទេសចរណ៍ទាំងអស់នៅលើភ្នំពិសិដ្ឋរបស់ខ្លួន

BY: autoadmin

: June 14, 2023

អភិបាលកោះបាលីបានប្រកាសហាមប្រាមសកម្មភាពទេសចរណ៍នៅលើភ្នំ ដែលមានប្រសិទ្ធិភាពភ្លាមៗ បន្ទាប់ពីមានការកើនឡើងសកម្មភាពមិនសមរម្យពីសំណាក់អ្នកទេសចរ នៅលើកំពូលភ្នំពិសិដ្ឋរបស់ខ្លួន។ កោះនេះបានប្រកាសហាមប្រាមលើរាល់សកម្មភាពដូចជា៖ ការឡើងភ្នំគ្រប់រូបភាព សម្រាប់ភ្នំទាំង ២២ របស់កោះបាលី រួមទាំងភ្នំ Batur និងភ្នំ Agung ផងដែរ។ ពោលគឺរាល់សកម្មភាពពេញនិយមទាំងអស់ គឺមិនត្រូវបានអនុញ្ញាតទាំងភ្ញៀវទេសចរបរទេស និងក្នុងស្រុកទៀតទេ។

CNN បានរាយការណ៍ថា ការហាមឃាត់នេះធ្វើឡើងបន្ទាប់ពីរយៈពេលប៉ុន្មានខែចុងក្រោយនេះ មានក្រុមជនបរទេសមួយចំនួនត្រូវបាននិរទេស និងហាមមិនឱ្យត្រឡប់ទៅប្រទេសឥណ្ឌូនេស៊ីដោយអាជ្ញាធរ។

អភិបាលលោក Wayne Coster ៖«បម្រាមនេះមានជាធរមានជារៀងរហូត ហើយមិនត្រឹមតែសម្រាប់ភ្ញៀវទេសចរបរទេសប៉ុណ្ណោះទេ ថែមទាំងភ្ញៀវទេសចរក្នុងស្រុក និងអ្នកស្រុក… (លើកលែងតែ) ពិធីសាសនា ឬការដោះស្រាយគ្រោះធម្មជាតិ»។ កោះបាលី ដែលត្រូវបានគេស្គាល់ថាជា «កោះព្រះ» គឺជាគោលដៅទេសចរណ៍ដ៏ពេញនិយមបំផុតមួយរបស់ពិភពលោក ដែលជាប់ចំណាត់ថ្នាក់ខ្ពស់បំផុត លើការស្ទង់មតិការធ្វើដំណើរទូទាំងពិភពលោក។ ទោះបីជាយ៉ាងណាក៏ដោយ ភ្ញៀវទេសចរបរទេសត្រូវបានគេរកឃើញថា មានអាកប្បកិរិយាមិនសមរម្យ និងផ្គើនអ្នកស្រុកនៅទីនោះ៕

អត្ថបទ៖ លីដា
ប្រភព៖ CNN

Share This Post:

កោះបាលីបានប្រកាសហាមប្រាម រាល់សកម្មភាពទេសចរណ៍ទាំងអស់នៅលើភ្នំពិសិដ្ឋរបស់ខ្លួន

SPONSOR

អត្តបទទាក់ទង

ជប៉ុនរងការវាយប្រហារដោយគ្រោះរញ្ជួយដីកម្រិត ៥,៧រ៉ិចទ័រ

មនុស្ស ១២នាក់បានបាត់បង់ជីវិត នៅក្នុងហេតុការណ៍ភ្លើងឆេះអគារមួយកន្លែងនៅប្រទេសចិន