ក្លឹបអ្នកមានបុណ្យ Barcelona បានច្រានចោលឱកាសចុះហត្ថលេខានាំយកខ្សែប្រយុទ្ធ Karim Benzema ពីក្លឹប Lyon កាលពីឆ្នាំ 2008 បន្ទាប់ពីក្លឹបយក្សរបស់អេស្ប៉ាញមួយនេះមានការព្រួយបារម្ភអំពីឥរិយាបថនិងបុគ្គលិកលក្ខណៈរបស់ខ្សែប្រយុទ្ធសញ្ជាតិបារាំងរូបនេះ។

កាលពីខ្សែប្រយុទ្ធ Karim Benzema នៅវ័យក្មេង រូបគេបានបង្កើតខ្លួនឯងជាខ្សែប្រយុទ្ធវ័យក្មេងដ៏អស្ចារ្យម្នាក់ដោយត្រូវបានក្លឹបធំៗចាប់អារម្មណ៍ ហើយពេលនោះ Barcelona ស្ទើរតែចុះហត្ថលេខានាំយក Benzema ពីក្លឹប Lyon មកកាន់ទឹកដី Camp Nou ទៅហើយក្នុងតម្លៃផ្ទេរ 30លានអឺរ៉ូ កាលពីឆ្នាំ 2008 ប៉ុន្ដែដោយសារតែ Barcelona មានការព្រួយបារម្ភអំពីអត្តចរិករបស់ Benzema ទើបបដិសេធមិនព្រមចុះហត្ថលេខាទិញខ្សែប្រយុទ្ធសញ្ជាតិបារាំងរូបនេះវិញ ហើយចុងក្រោយ Benzema បានផ្ទេរមកកាន់ Real Madrid ជោគជ័យក្នុងឆ្នាំ 2009។

កាលឆ្នាំ 2008 ខ្សែប្រយុទ្ធ Benzema ស្ថិតនៅក្នុងបញ្ជីឈ្មោះកីឡាករជម្រើសខ្ពស់ដែលលោក Pep Guardiola ចង់ទិញដើម្បីយកមកបំពេញតំបន់ប្រយុទ្ធដែលកំពុងតែខ្វះខាត ខណៈដែលខ្សែប្រយុទ្ធ Samuel Eto’o កំពុងមានពាក្យចចាមអារាមចង់ចាកចេញពី Barcelona ប៉ុន្ដែដោយសារតែឥរិយាបថនិងបុគ្គលិកលក្ខណៈមិនសមរម្យទើបលោក Pep សម្រេចដកឈ្មោះ Benzema ចេញវិញ។

បុត្រ

ប្រភព៖ 90min