ទៀតហើយ! ឡានដឹកទំនិញឡើងប៉ុនយក្សបុកទំលុះចូលផ្ទះប្រជាពលរដ្ឋ

(ព័ត៌មានបឋម) មានការភ្ញាក់ផ្អើលជាខ្លាំងបានកើតឡើង ក្រោយឃើញមានករណីឡានដឹកទំនិញធំមួយគ្រឿង បានបុកចូលផ្ទះប្រជាពលរដ្ឋមួយកន្លែងជាផ្ទះលក់ទូរស័ព្ទដៃ។ ហេតុការណ៍នេះបង្កការភ្ញាក់ផ្អើលដល់ប្រជាពលរដ្ឋនៅយប់ថ្ងៃទី២៦ ឈាងចូលថ្ងៃទី ២៧ ខែកុម្ភៈ ឆ្នាំ២០១៩ វេលាម៉ោងប្រមាណ ១២ និង ២០នាទីយប់ នៅស្តុបចំការដូង ខណ្ឌដង្កោ រាជធានីភ្នំពេញ។

យោងតាមប្រភពព័ត៌មានបានឲ្យដឹងថា ករណីនេះមិនបានកើតឡើងនៅពេលព្រឹកព្រលឹមទេ គឺបានបុកតាំងពីយប់មកម្ល៉េះ ប៉ុន្តែរថយន្តនៅតែជាប់នៅក្នុងផ្ទះប្រជាពលរដ្ឋដដែល ហើយខណៈនេះសមត្ថកិច្ចក៏កំពុងនៅកន្លែងកើតហេតុ ដោយពុំទាន់មានការបញ្ជាក់ពីចំនួននៃការខូចខាត ឬមានអ្នករងរបួសនៅឡើយ។ ព័ត៌មានលម្អិតនឹងជម្រាបជូននាពេលក្រោយ៕

អត្ថបទ៖ រ៉ែន
រូបភាព៖ Aplus Cooc