អាចទេដែលថា លោគ្រូបង្វឹកបណ្តោះអាសន្ន Solskjaer កំពុងត្រៀមខ្លួនដើម្បីដឹកនាំក្លឹប Manchester United នៅរដូវកាលក្រោយ? បន្ទាប់ពីបន្តយកឈ្នះក្នុងទឹកដីកាលពីយប់មិញ

មួយរយៈចុងក្រោយនេះយើងឃើញថា ក្រុមបិសាចក្រហម Manchester United កំពុងតែឡើងជើងខ្លាំងមែនទែន បន្ទាប់ពីបានបណ្ដេញ The Special one លោក Mourinho នៅចុងឆ្នាំ២០១៨កន្លងផុតទៅ ដោយជំនួសតំណែងបណ្តោះអាសន្នដោយអតីតខ្សែប្រយុទ្ធរបស់បិសាចក្រហម Manchester United លោក Ole Gunnar Solskjaer។ កាលពីយប់មិញនេះ ក្រុមបិសាចក្រហមបានបន្តយកឈ្នះ southamton ក្នុងទឹកដី Old Trafford។ បើរាប់ទៅចាប់តាំងពីមកកាន់តំណែងជាគ្រូបង្វឹកបណ្តោះអាសន្នមក លោក Solskjear បានដឹកនាំប្រកួតចំនួន ១៦ដង ឈ្នះ ១៣លើក ស្មើ២ដង នឹងចាញ់មួយលើក ប៉ុន្តែក្លឹបពុំទាន់បានប្រកាសជាផ្លូវការណាមួយនៅឡើយនោះទេ បើទោះបីជាលោកគ្រូបង្វឹកថ្មី ហើយក៏ជាអតីតកីឡាករក្រុមបិសាចមួយរូបនេះ បានបង្កើតកំណត់ត្រាល្អៗ យ៉ាងណាក៏ដោយ។

បើទោះបីជាយ៉ាងណាក៏ដោយលោកបានប្រាប់អ្នកសារព័ត៌មាននៅថ្ងៃសុក្រនេះថា លោកកំពុងតែរៀបចំសំរាប់ជីវិតរបស់គាត់ជាមួយ ក្លឹប Mancester United នៅរដូវកាលក្រោយ និងកំពុងរៀបចំរោងក្នុងការទិញលក់កីឡាករនៅរដូវក្តៅនេះ ព្រមទាំងត្រៀមថតរូបពាណិច្ចកម្មដាក់នៅលើសំបុត្ររបស់ក្លឹបផងដែរ។ បន្ថែមពីនេះទៅទៀតយើងមិនទាន់ដឹងច្បាស់នៅឡើយទេថាតើព័ត៌មានមួយនេះអាចនឹងកើតឡើងនៅឡើយទេ។ សម្រាប់ក្រុម Manchester United វិញកំពុងត្រៀមខ្លួនដើម្បីជួប ក្រុមយក្សរបស់បារាំង PSG នៅថ្ងៃព្រហស្បតិ៍ខាងមុខនេះនៅក្រៅទឹកដី ក្នុងជំនួបក្របខ័ណ្ឌ Uefa Champion League៕ ប្រភព៖ Goal.com