រន្ធត់ណាស់! ភ្ញៀវទេសចរណ៍បរទេសមកដើរលេងស្រុកខ្មែរ បែរត្រូវជនស្រវឹងបើករថយន្តដូចហោះបុកស្លាប់ភ្លាមៗ

រាជធានីភ្នំពេញ៖ នៅវេលាម៉ោង02 និង 30នាទីរំលងអាធ្រាត ថ្ងៃទី០២ ខែមិនា ឆ្នាំ២០១៩ មានករណីគ្រោះថ្នាក់ចរាចរណ៍មួយកើតឡើងលើផ្លូវ ព្រះស៊ីសុវត្ថិ កែង216 មុខព្រះបរមរាជវាំង សង្កាត់ ជ័យជំនះ ខណ្ឌដូនពេញ រវាងរថយន្តឡិចស៊ីស RX330 ពណ៌ខ្មៅ ពាក់ស្លាកលេខ ភ្នំពេញ 2AX-5853 បុកជាមួយរុឺម៉កកង់បី បណ្តាលឲ្យស្លាប់ 3នាក់យ៉ាងរន្ធត់។

ប្រភពព័ត៌មានបានឲ្យដឹងថា មុន​ពេល​កើតហេតុគេ​បានឃើញ​រថយន្ត​បង្កខាងលើ បើកបរ​ដោយ​បុរស​ម្នាក់​ក្នុង​សភាព​ស្រវឹងស្រា​យ៉ាង​ជោក​ជាំ​បើក​បោះពួយ​ក្នុង​ល្បឿន​យ៉ាង​លឿនតាម​បណ្ដោយ​ផ្លូវ​ព្រះ​ស៊ី​សុវត្ថិក្នុង​ទិស​ដៅ​ពី​ត្បូង​ទៅ​ជើង ​លុះមកដល់ចំណុចកើតហេតុរថយន្តក៏បានរេចង្កូតទៅឆ្វេងដៃ ហើយបុករ៉ឺម៉កកងបី ដែលកំពុងដឹកភ្ញៀវទេសចរណ៍២នាក់ដើរលេងកំសាន្តពេលរាត្រី មានទិសដៅបញ្ច្រាសគ្នាពេញទំហឹង បណ្តាលឲ្យភ្ញៀវទេសចរណ៍ស្លាប់ភ្លាមៗតែម្តង ឯអ្នកបើករ៉ឺម៉កកង់បីបានស្លាប់ពេលបញ្ចូលទៅមន្ទីរពេទ្យ។

ក្រោយកើតហេតុជនបង្កត្រូវបានឃាត់ខ្លួនប្រគល់អោយចរាចរណ៍ក្រុង ។ ករណីនេះបានប្រគល់អោយចរាចរណ៍ក្រុង វាស់វែងយកមករក្សាទុកនៅនគរបាលចរាចរណ៍ក្រុង ដើម្បីដោះស្រាយ៕

អត្ថបទ៖ សេម
រូបភាព៖ ស្នងការដ្ឋាននគរបាលរាជធានីភ្នំពេញ