ហង្សក្រហម Liverpool ភ្លាត់ស្នៀតស្មើជាមួយ Everton យប់មិញ ធ្លាក់មកលេខ២ នៅពីក្រោយMachester City ១ពិន្ទុវិញ ខណៈដែររដូវកាលជិតបញ្ចប់

ក្រុមហង្សក្រហម Liverpool ចាប់ពីដើមរដូវកាលមកបានបង្ហាញនូវទំរង់លេងដ៏ល្អ និងបាននាំមុខនៅលើកំពូលតារាងរបស់ English Premier League ក្រោមការដឹកនាំរបស់ jurgen klopp ។ ប៉ុន្តែកាលពីយប់មិញនេះ ហង្សក្រហម Liverpool មិនទទួលបាន៣ពិន្ទុនោះទេ គឺបានត្រឹមស្មើជាមួយក្រុម Everton នៅក្រៅទឹកដី សូន្យស្មើក្នុងស្តាត Goodison park។ លទ្ធផលនេះបានរុញទំលាក់ហង្សក្រហមចេញពីកំពូលតារាង ដោយមានមួយពិន្ទុនៅពីក្រោយ ក្រុម Manchester City ខណៈដែរមាន៩ប្រកួតបន្តទៀតមុខរដូវកាលបញ្ចប់។

Jorden Henderson បានរួមចំណែកនៃការទទួលបានភាពវិជ្ជមានក្នុងការប្រកួតក្រៅទឹកដីទាំងពីរលើក ពេលជួប បិសាចក្រហម Manchester United នៅ Old Trafford និង Everton នៅ Goodison Park។ ហើយក្រោយពេលបញ្ចប់ការប្រកួតកាលពីយប់មិញនេះ Klopp ដែលជាគ្រូបង្វឹកបានលើកឡើងថា ”ពេលនេះពួកយើងលែងមានការប្រកួតជាមួយក្រុមខ្លាំងទៀតហើយ ហើយលទ្ធផលយប់មិញនេះក៏មិនមែនជាលទ្ធផលអាក្រក់ដែរ”។ ទោះបីជាយ៉ាងណាក៏ដោយ ពួកគេត្រូវការឈ្នះរាល់ការប្រកួតប្រសិនបើពួកគេចង់គ្រងតំណែងជើងឯក English Premier League ដូចនេះរងចាំមើលទាំងអស់គ្នាថាក្រុមមួយណាអាចធ្វើបាន និងក្លាយជាម្ចាស់ពាននៅរដូវកាលនេះ៕

អត្ថបទ៖ Sokunna
ប្រភព៖ ChannelNewsAsia