ក្រុមហ៊ុន Hyundai បានបញ្ចេញរូបរាងរបស់ម៉ូដែល Sonata ស៊េរីថ្មី ឆ្នាំ2020 របស់ខ្លួន មុន 1ខែ នៃការមកដល់នូវព្រឹត្តការណ៍ពិព័រណ៍រថយន្តឆ្នាំ 2019 នៅញូវយ៉ក (New York Auto Show 2019) នៅថ្ងៃ ទី១៩ ខែមេសា។ ម៉ូដែល Sonata ស៊េរីថ្មី ឆ្នាំ2020 ជំនាន់ ទី8 ត្រឡប់មកវិញជាមួយនឹងរូបរាងក្លាហានជាងមុន ទ្វារ 4 និងមានលក្ខណៈដូចជារថយន្តស្ព័រ ដែលស្រដៀងនឹងម៉ូដែលជំនាន់ទី 6 កាលពី ឆ្នាំ2009។ វាជាម៉ូដែលផលិតកម្មដំបូងគេ ដែលដាក់បញ្ចូលនូវរូបរាងរចនារបស់ម៉ូដែល Sensuous Sportiness ដែលបានចេញកាលពីឆ្នាំមុន។

រថយន្តនេះនឹងមានវត្ថុធាតុលំនាំយន្តហោះបំបាំងកាយ រឹងមាំជាងមុន ចង្កៀង LED ដែលជាគំនិតនៃម៉ូដែល HDC-2 ដែលបង្ហាញខ្លួនក្នុងព្រឹត្តការណ៍ Busan Motor Show កាលពីឆ្នាំមុន។ យ៉ាងណាក៏ដោយម៉ូដែល Sonata ស៊េរីថ្មី ឆ្នាំ2020 ត្រូវបានគេឱ្យដឹងថា នឹងចេញលក់នៅឆមាស ទី២ ឆ្នាំ២០១៩ នេះ ប៉ុន្តែមិនទាន់មានពត៌មានលម្អិតអំពីរថយន្ត និងតម្លៃរបស់វានោះទេ មានតែរង់ចាំការមកដល់នូវព្រឹត្តការណ៍ពិព័រណ៍រថយន្តឆ្នាំ 2019 នៅញូវយ៉កនៅខែក្រោយ។

អត្ថបទ៖ លីដា
ប្រភព៖ carscoops