កីឡាករខ្សែរបំរើសញ្ជាតិប្រេសុីល Philippe Coutinho បានប្រាប់កីឡាករសញ្ជាតិអេស៉្បាញដែលកំពុងលេងនៅ Manchester United ជាច្រើនថារូបគេចង់មកលេងនៅ Old Trafford នេះបើតាមព័ត៌មានរបស់ Daily Star។ ហើយកីឡាកររូបនេះកំពុងសង្ឃឹមថានឹងអាចចាកចេញពីក្លឹបចាស់ ទៅ Old Traffordនៅរដូវក្តៅនេះ។ នៅពេលនេះ Coutinho កំពុងលេងអោយក្លឹបអ្នកមានបុណ្យ Barcelona មួយឆ្នាំពេញ ប៉ុន្តែហាក់ដូចជាពិបាកក្នុងការប្រជែងយកជម្រើស១១នាក់ដំបូង និងមានការធ្លាក់ទំរង់លេង ខណៈដែល កីឡាករ Frenkie de Jong និងចូលរួមនៅរដូវក្តៅនេះ។ ប្រសិនបើ Man Utd ត្រៀមរួចរាល់ក្នុងការចំណាយ ៨៦លានផោន ស្មើនឹង ១១២លានដុល្លារសហរដ្ឋអាមេរិច គេអាចនាំយកកីឡាករឆ្នើម Coutinho ទៅចូលរួមនៅ Old Trafford បាន ហើយសង្ឃឹមថានឹងក្លាយជា Playmaker សម្រាប់រដូវកាលក្រោយ។ ប៉ុន្តែយើងមិនទាន់ដឹងថា រឿងនេះនឹងអាចកើតឡើងបានឬអត់នៅឡើយទេ ហើយបើអាចកើតឡើងមែន នេះជាព័ត៌មានដែលធ្វើអោយអ្នកគាំទ្របិសាចក្រហមសប្បាយចិត្ត៕

អត្ថបទ៖ Sokunna
ប្រភព៖ Goal.com