យប់មិញនេះ នៅក្នុងក្របខ័ណ្ឌ English Premier League គឺជាការប្រកួតលើកទី ៣០ ហើយមានគូល្អៗជាច្រើន ជាពិសេសនោះកាលពីរាត្រីយប់មិញនេះគឹជាការប្រកួតរវាងក្រុមកាំភ្លើងធំ Arsenal បានបើកទ្វារពហុកីឡាដ្ឋាន Emirats ដើម្បីស្វាគមន៍ក្រុមភ្ញៀវបិសាចក្រហម Manchester United។ ជាលទ្ធផល ក្រុមម្ចាស់ផ្ទះបានលុតក្រុមភ្ញៀវទក់សាច់ ២ទល់នឹង០ ដោយនៅក្នុងតង់ទី១ គ្រាប់បាល់ដំបូងរកបានដោយកីឡាករ Xhaka និងពាក់កណ្ដាលតង់ទី២ កីឡាករខ្សែបំរើ Nemanja Matic បង្កអោយមានកំហុសនៅក្នុងតំបន់គ្រោះថ្នាក់ ហើយពិន័យបាល់១១ម៉ែត្រ និងស៊ុតបញ្ចូលទីដោយកីឡាករខ្សែប្រយុទ្ធ Aubameyang នៅនាទីទី ៦៩។ ចំណែកឯការគ្រប់គ្រងបាល់វិញមិនសូវខុសគ្នាប៉ុន្មាននោះទេ។

គួរបញ្ចាក់ផងដែរថា កាប្រកួតយប់មិញនេះបានបញ្ចប់ពាក្យមិនដែលចាញ់របស់គ្រូបង្វឹកបណ្តោះអាសន្ន និងជាអតីតខ្សែប្រយុទ្ធរបស់ក្រុមបិសាចក្រហមលោក Ole Gunnar Solskjaer។ ហើយលោកមានអារម្មណ៍ថា ការលេងរបស់កូនក្រុមយប់មិញមិនសូវមានសំណាង និងបាត់បង់ឱកាសជាច្រើននៅក្នុងតង់ទីមួយ ហើយហាក់បីដូចជាចាប់ផ្តើមមិនសូវបានល្អសោះ បន្ទាប់ពីពួកគេចាញ់ ២ទល់នឹង០ ជាមួយ Arsenal នៅថ្ងៃអាទិត្យយប់មិញនេះ។ បន្ថែមពីនេះទៀត United បានឈ្នះ៩ប្រកួតជាប់គ្នានៅក្រៅទឹកដីក្រោមការដឹកនាំរបស់លោក Solskjaer រហូតដល់ការធ្វើដំណើរទៅកាន់ពហុកីឡាដ្ឋាន Emirates។ លើសពីនេះទៅទៀត បិសាចក្រហមទើបតែទំលាក់ក្រុមអ្នកមាន PSG ពីពានធំជាងគេនៅក្នុងទ្វីបអឺរ៉ុបនៅវគ្គ ១៦ក្រុមកាលពីអាទិត្យមុននេះផងដែរ៕

អត្ថបទ៖ Sokunna