អភិបាល​ខេត្តកំពង់ចាម ៖ “ពលរដ្ឋលក់ដូរលើចិញ្ចើមផ្លូវ គ្មានសណ្តាប់ធ្នាប់ តើអោយបញ្ឈប់ការលក់ដូរ​ ​ឬ​ បន្ទោសអ្នករៀបចំ​ដែលតែងតែដើរណែនាំ?”

បញ្ហាលក់ដូរនៅតាមចិញ្ចើមផ្លូវ ក៏មិនមែនជាបញ្ហាកើតមានតែនៅទីក្រុងភ្នំពេញឡើយ សូម្បីនៅក្នុងក្រុងកំពង់ចាម ក៏កំពុងតែមានបញ្ហារឿងពលរដ្ឋលក់ដូរដោយគ្មានសណ្តាប់ធ្នាប់ យាន្តជំនិះចត និងមានកាកសំណល់រាយប៉ាយពេញលើថ្នល់។ រហូត ឯកឧត្តម​ គួច​ ចំរើន​ អភិបាល​នៃ​គណៈ​អភិបាល​ខេត្តកំពង់ចាម​ បានបង្ហោះរូបភាពរបស់ពលរដ្ឋដែលបានលក់ដូរតាមចិញ្ចើមថ្នល់គ្មានសណ្តាប់ធ្នាប់ ភ្ជាប់ជាមួយនឹងសំណួរយ៉ាងចាក់ដោតបែបនេះថា៖

“ចតម៉ូតូលើថ្នល់​ លក់លើចិញ្ចើមថ្នល់​ បោះសម្រាមពេញក្រោមតុ​ (លើចិញ្ចើមថ្នល់)​។ តើគួរអោយសរសើរ​ ឬ​ អោយបញ្ឈប់ការលក់ដូរ ​ឬ​ បន្ទោសអ្នករៀបចំ​ដែលតែងតែដើរណែនាំ?​ សូមប្រិយមិត្ត​ ជួយអោយយោបល់ផង​!​ អ្នកក្រុងកំពង់ចាមយើង​”។ តើប្រិយមិត្តយល់យ៉ាងដែលចំពោះបញ្ហានេះ?