យន្តហោះរបស់ក្រុមហ៊ុន Singapore Airlines ចុះចតជាបន្ទាន់នៅទីក្រុងបាងកក ក្រោយជួបបញ្ហាបណ្ដាលឱ្យមនុស្សម្នាក់បាត់បង់ជីវិត និងរងរបួសជាច្រើននាក់

យន្តហោះរបស់ក្រុមហ៊ុន Singapore Airlines បានធ្វើការចុះចតជាបន្ទាន់នៅទីក្រុងបាងកក បន្ទាប់ពីជួបបញ្ហានៅលើទិសដៅហោះហើររបស់ខ្លួន នារសៀលថ្ងៃទី២១ ខែឧសភា ឆ្នាំ២០២៤នេះ។

បើយោងតាមការបញ្ជាក់នៅលើផេកផ្លូវរការរបស់ Singapore Airlines មុននេះបន្តិចបានឱ្យដឹងថា​ ហេតុការណ៍នេះ បានបណ្ដាលឱ្យមនុស្សម្នាក់ស្លាប់បាត់បង់ជីវិត និងរងរបួសជាច្រើននាក់។

គួរបញ្ជាក់ផងដែរថា យន្តហោះ Singapore Airlines ដែលធ្វើការចុះចតជាបន្ទាន់ គឺជាជើងហោះហើរពីទីក្រុងឡុងដ៏ ប្រទេសអង់គ្លេស ទៅកាន់ប្រទេសសឹង្ហបុរី កាលពីថ្ងៃទី២០ ខែឧសភា ឆ្នាំ២០២៤ តែបង្ខំចុះចតជាបន្ទាន់នៅទីក្រុងបាងកក។ យន្តហោះនោះ ជាប្រភេទ Boeing777-300ER ដឹកអ្នកដំណើរ ២១១នាក់ និងសហសេវិកសរុប១៨នាក់៕

អត្ថបទ៖ លីនី
ប្រភព៖ Singapore Airlines