ដំណឹងល្អ! សម្ដេចតេជោ ហ៊ុន សែន ប្រកាសថាខែមេសានេះ នឹងបើកប្រាក់បៀវត្ស រួមជាមួយនឹងប្រាក់ឧបត្ថម្ភមុនថ្ងៃចូលឆ្នាំខ្មែរ

យោងតាមសេចក្តីជូនដំណឹងក្រសួងមុខងារសាធារណៈ ស្តីពីការបើកផ្តល់បៀវត្សជូនមន្ត្រីរាជការស៊ីវិល និងមន្ត្រីជាប់កិច្ចសន្យា សម្រាប់ខែមេសា និងខែឧសភា ឆ្នាំ២០១៩។ ដោយខែមេសា មន្ត្រីរាជការនឹង បានបើកប្រាក់បៀវត្ស រួមជាមួយនឹងប្រាក់ឧបត្ថម្ភ ៥ម៉ឺនរៀនរបស់សម្ដេចតេជោ និងបើកតែម្តងគត់ ពោលគឺមុនថ្ងៃចូលឆ្នាំខ្មែរមកដល់។

ការជូនដំណឹងរបស់ក្រសួងមុខងារសាធារណៈ ធ្វើឡើងក្រោយពេលដែល សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសនៅក្នុងពិធីប្រគល់សញ្ញាបត្រដល់និស្សិតមកពី វិទ្យាស្ថានវ៉ាន់ដា ថាក្នុងឱកាសបុណ្យចូលឆ្នាំថ្មីប្រពៃណីជាតិ ដែលនឹងចូលមកដល់ រាជរដ្ឋាភិបាលសម្រេចបើកប្រាក់បៀវត្ស តែម្តងគត់បញ្ចូលគ្នារួមទាំងប្រាក់ឧបត្ថម្ភម្នាក់ៗ៥ម៉ឺនរៀល។ សូមអានសេចក្តីប្រកាសនៅខាងក្រោម៖