ក្រុមបិសាចក្រហម Manchester United ដែលទើបនឹងទទួលបានគ្រូបង្វឹកពេញម៉ោងលោក Ole Gunnar Solskjear បន្ទាប់ពីដឹកនាំក្រុមអោយឈ្នះជាច្រើនប្រកួត ពេលនេះលែងមានឱកាសក្នុងការលេងនៅក្នុងពានលំដាប់កំពូលទីមួយប្រចាំទ្វីបអឺរ៉ុប Uefa Champions League បន្ទាប់ពីបានត្រឹមស្មើជាមួយក្រុមបាតតារាង Huddersfield ១ស្មើ។ គួរបញ្ជាក់ផងដែរថា មានក្រុមចំនួន៤ដែលកំពុងតែប្រទាញប្រទុងគ្នាដើម្បីឈរនៅក្នុង៤ក្រុមនៃកំពូលតារាងរបស់ English Premier League ពោលគឺ ក្រុម Tottenham Hotspurs ក្រុមតោខៀវ Chelsea ក្រុមកាំភ្លើងធំ Arsenal និងក្រុមបិសាចក្រហម Manchester United។

ប៉ុន្តែកាលពីយប់មិញនេះក្រុមបិសាចក្រហមបានភ្លាត់ដោយស្មើជាមួយក្រុមបាតតារាង ហើយបើគិតត្រឹមប្រកួតទី ៣៧ ក្រុមបិសាចក្រហមមាន៦៦ពិន្ទុ ដោយក្រុម Spurs មាន៧០ពិន្ទុខណៈដែរប្រកួតនៅក្នុងលីគមានតែមួយប្រកួតតែប៉ុណ្ណោះ។ សរុបសេចក្តីមក ក្រុមបិសាចក្រហមបានត្រឹមលេងនៅក្នុងពានប្រចាំទ្វីបអឺរ៉ុបលំដាប់ទីពីរគឺ Europa Leagueតែប៉ុណ្ណោះនៅក្នុងរដូវកាលក្រោយ ខណៈដែរក្រុមមានឱកាសលេងពាន Uefa Champion League មានក្រុម Spurs និង Chelsea ដែលឈរនៅពីក្រោយក្រុមលេខ១ និង លេខ២ Liverpool និង Man City៕

អត្ថបទ៖ សុគុណា