ក្លឹបបិសាចក្រហម Manchester United បោះលុយ ៦០លានផោនម្តងទៀតលើកីឡាករខ្សែការពារមួយរូបនៅក្នុង Premier League បន្ទាប់ពីបរាជ័យក្នុងការចរចាម្តងរួចមកហើយ

តាមរយៈការរាយការណ៍ចុងក្រោយបានអោយដឹងថា ក្លឹបយក្សក្នុង Premier League បិសាចក្រហម Manchester Untied នឹងបោះលុយ ៦០លានផោនសម្រាប់ខ្សែការពាររបស់ Crystal Palace Aaron Wan Bissaka បន្ទាប់ពីការស្នើរលើកមុនត្រឹមតែ ៤០លានផោនត្រូវបានបដិសេធ។ គួរបញ្ជាក់ផងដែរថា ខ្សែការពារស្លាបស្តាំរបស់ Crystal Palace ដែលទើបតែមានអាយុ ២១ឆ្នាំរូបនេះបានបង្ហាញទម្រង់លេងបានយ៉ាងល្អនៅក្នុងរដូវកាល២០១៨-២០១៩ ដោយបានបង្ហាញខ្លួនចំនួន៣៩ប្រកួត នៅក្នុងនោះលេងក្នុង English Premier League 35លើក ហើយ Assists បាល់បាន៤គ្រាប់ផងដែរនៅក្នុងរដូវកាលនេះ។

បន្ថែមពីនេះទៅទៀតកីឡាករវ័យក្មេងសញ្ជាតិអង់គ្លេសរូបនេះបានធ្វើអោយក្លឹបបិសាចក្រហមកំណត់គោលដៅក្នុងការនាំយកនៅក្នុងរដូវក្តៅនេះដោយសារតែការលេងឡើងជើងគួរអោយកត់សម្គាល់។ នៅក្នុងដើមខែនេះផងដែរ មេរបស់ក្រុមបិសាចក្រហមលោក​  Ole Gunner Solskjear ចង់បានកីឡាកររូបនេះមុនគេ ប៉ុន្តែត្រូវបានបដិសេធជាលើកដំបូង។

ទន្ធឹមនឹងនេះផងដែរ តាមរយៈប្រព័ន្ធសង្គម Telegraph បិសាចក្រហមបានត្រៀមលុយ៦០លានផោនសម្រាប់ខ្សែការពារស្លាបស្តាំរូបនេះ ដែលច្រើនជាងមុនរហូតដល់២០លានផោនឯណោះ។ តាមរយៈភ្នាក់ងារព័ត៌មានរបស់អង់គ្លេសបានលើកឡើងថា Crystal Palace ចង់ទុកកីឡាកររូបនេះបន្តទៀត ប៉ុន្តែអ្វីៗអាចនឹងផ្លាស់ប្តូរក្រោយការស្នើនូវតំលៃថ្មីនេះ។

គួររំលឹកផងដែរថា Wan-Bissaka បច្ចុប្បន្នកំពុងលេងនៅក្នុងក្រុមជម្រើសជាតិអង់គ្លេស U-21ដើម្បីត្រៀមខ្លួនសម្រាប់ពាន European Championship ដែលនឹងប្រព្រឹត្តនៅក្នុងប្រទេសអុីតាលី និងប្រទេស San Marino ដែលនឹងចាប់ផ្តើមនៅថ្ងៃទី១៦ ខែមិថុនាខាងមុខនេះ។ មួយវិញទៀត កុងត្រារបស់គាត់ជាមួយក្លឹប Crystal Palace នឹងត្រូវបន្តរហូតដល់ឆ្នាំ ២០២២ ប៉ុន្តែប្រសិនបើគាត់ចង់ចាក់ចេញពីពហុកីឡាដ្ឋាន Selhurst Park នៅរដូវក្តៅនេះ នោះក្លឹបអាចនឹងលក់តារាបាល់ទាត់រូបនេះផងដែរ៕

អត្ថបទ៖ សុគុណា
ប្រភព៖ FoxSportAsia