រូបភាព Lionel Messi ត្រូវក្រុមឧទ្ទាម ISIS ចាប់ធ្វើចំណាប់ខ្មាំង កំពុងតែគំរាមកំហែងព្រឹតិ្តការណ៍ FIFA World Cup 2018 ខាងមុខនេះ

ក្រុមឧទ្ទាម ISIS បានកំណត់គោលដៅសំខាន់លើខ្សែប្រយុទ្ធ Lionel Messi ដែលពួកគេបានកាត់តរូបខ្សែប្រយុទ្ធ Lionel Messi ដាក់លើផ្ទាំងរូបថតមួយសន្លឹកដោយ Messi អង្គុយលត់ជង្គង់ត្រៀមអោយពួកឧទ្ទាម ISIS កាត់ករ។ ការបង្ហាញរូបនេះជាសាធារណៈគឺដើម្បីគំរាមកំហែងការវាយប្រហារដ៏ធំមួយក្នុងការប្រកួត FIFA World Cup 2018 ខាងមុខនេះនៅក្នុងប្រទេសរុស្សី។

ក្នុងរូបថតនោះដែលពួកឧទ្ទាម ISIS បានកាត់តបង្ហោះជាសាធារណៈគឺកីឡាករ Lionel Messi ត្រូវបានពួកឧទ្ទាម ISIS កាត់តដាក់ក្នុងសំលៀកបំពាក់ឈុតពណ៌ទឹកក្រូចលត់ជង្គង់នៅក្នុងកីឡាដ្ឋាន Moscow’s Luzhniki ក្នុងទីក្រុង Moscow ប្រទេសរុស្សី ហើយត្រៀមកាត់ករប្រហារជីវិតដូចក្នុងរូបភាពនិងវីដេអូដែលពួកឧទ្ទាមមួយនេះធ្លាប់សម្លាប់ជនរងគ្រោះពីមុនមកអញ្ចឹង។

គួរបញ្ជាក់ឡើងវិញដែរថា នេះមិនមែនជាលើកទី 1 ទេដែលក្រុមឧទ្ទាម ISIS បានកាត់តរូបខ្សែប្រយុទ្ធ Lionel Messi នេះ។ កាលពីខែតុលាឆ្នាំមុនពួកឧទ្ទាម ISIS បានកាត់តរូបខ្សែប្រយុទ្ធ Lionel Messi ដាក់ក្នុងគុកមួយកន្លែងហើយធ្វើការគំរាមកំហែងដល់ការប្រកួត FIFA World Cup 2018 ដូចគ្នា។ ហើយនៅមានរូបជាច្រើនទៀតដែលពួកឧទ្ទាម ISIS បានកាត់តដោយបង្ហោះក្នុងអត្ថន័យថា៖ ពួកគេបានស្បថថានឹងធ្វើការវាយប្រហារនៅក្នុងព្រឹតិ្តការណ៍ World Cup 2018 នេះរង់ចាំមើលទាំងអស់គ្នា។ បកប្រែពីភាសាអង់គ្លេស: I swear that the Mujahideen’s fire will burn you. Just you wait and see.

បុត្រ

ប្រភព៖ Dailymail