ឃាត់ខ្លួនស្រីស្អាត ប្រុសស្អាត ១១នាក់ ពាក់ព័ន្ធករណីជួញដូររក្សាទុក និងប្រើប្រាស់គ្រឿងញៀន

កាលពីថ្ងៃទី២៩ ខែមិថុនា ឆ្នាំ២០១៩ វេលាម៉ោង ៧និង៣០នាទីយប់ កម្លាំងការិយាល័យបទល្មើសគ្រឿងញៀន ឃាត់ខ្លួនជនសង្ស័យពាក់ព័ន្ធបទល្មើសគ្រឿងញៀន នៅចំណុចអាគារឌឹប្រ៊ីដ បន្ទប់លេខ២២ ជាន់ទី១៩ ផ្លូវលេខ៧៨ ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ បានឃាត់ខ្លួនជនសង្ស័យចំនួន១១នាក់ (ប្រុស០៤នាក់ស្រី០៧នាក់)។

ក្នុងការបង្រា្កបឃាត់ខ្លួននេះសមត្ថកិច្ចរើបអូសបានវត្ថុតាង ក្រាមពណ៌សថ្លា០៥កញ្ចប់ ៨,២៣ក្រាម ម្ស៉ៅពណ៌ស០៤កញ្ចប់ ២,៦៩ក្រាម និង ថ្នាំគ្រាប់ពណ៌ផ្ទៃមេឃ ២៩គ្រាប់ ១១,៥៤ក្រាម។ បច្ចុប្បន្នជនសង្ស័យចំនួន១១នាក់(ប្រុស០៤នាក់ស្រី០៧នាក់) បញ្ជូនមកការិយាល័យបទល្មើសគ្រឿងញៀនកសាងនីតិវិធី៕

ប្រភព៖ ការិយាល័យបទល្មើសគ្រឿងញៀន អាវុធហត្ថផ្ទៃប្រទេស
ដោយ៖ ណារ៉ែន