លោក Jose Mourinho ដែលជាគ្រូបង្វឹករបស់ក្លឹបបិសាចក្រហម Manchester United កំពុងពិចារណាក្នុងការដេញថ្លៃខ្សែប្រយុទ្ធ Neymar ពីក្លឹបអ្នកមានបារាំង PSG ក្នុងតម្លៃផ្ទេរ 260លានផោន ហើយបន្ថែមខ្សែបម្រើ Paul Pogba ទៅ PSG មួយទៀតដើម្បីជាថ្នូរក្នុងការទិញ Neymar។

នៅក្នុងរដូវកាលដំបូងជាមួយនឹងក្លឹបអ្នកមានបារាំង PSG នេះខ្សែប្រយុទ្ធ Neymar ហាក់ដូចជាមានការមិនពេញចិត្តជាមួយនឹងក្លឹបអ្នកមានបារាំង PSG មួយនេះ។ ដោយសម្លឹងឃើញបែបនេះ លោក Jose Mourinho ដែលជាអ្នកចាត់ការណ៍និងជាគ្រូបង្វឹករបស់ក្លឹបបិសាចក្រហម Manchester United មានបំណងចង់បានខ្សែប្រយុទ្ធសញ្ជាតិប្រេស៊ីលរូបនេះមកចូលរួមលេងជាមួយនឹងក្លឹបបិសាចក្រហម Manchester United នៅក្នុងរដូវកាលក្រោយនេះ។

ដូចគ្នានឹងនោះដែរក្លឹបអធិរាជសរ Real Madrid ក៏កំពុងមានទំនាក់ទំនងជាមួយនឹងខ្សែប្រយុទ្ធ Neymar ដូចគ្នាប៉ុន្ដែមកដល់ពេលនេះមិនទាន់មានដំណឹងច្បាស់ការណ៍ណាមួយបញ្ជាក់ថាខ្សែប្រយុទ្ធ Neymar ចូលរួមជាមួយនឹងក្លឹបអធិរាជសរ Real Madrid នៅក្នុងរដូវកាលក្រោយនៅឡើយទេ។

ក្លឹបបិសាចក្រហម Manchester United គ្រោងនឹងត្រៀមលុយប្រមាណជាង 260លានផោន រួមជាមួយនឹងខ្សែបម្រើ Paul Pogba បន្ថែមពីលើមួយទៀតដើម្បីត្រៀមដេញថ្លៃខ្សែប្រយុទ្ធ Neymar ពីក្លឹប PSG នៅក្នុងរដូវកាលក្រោយនេះ។

បុត្រ

ប្រភព៖ Goal