លោក Mourinho សម្រេចចិត្តថានឹងមិនលក់ Pogba ទេនៅក្នុងរដូវកាលក្រោយនេះ

លោក Jose Mourinho ដែលជាអ្នកចាត់ការណ៍និងជាគ្រូបង្វឹករបស់ក្លឹបបិសាចក្រហម Manchester United បានសម្រេចចិត្តថានឹងមិនលក់ខ្សែបម្រើ Paul Pogba ទេនៅក្នុងទីផ្សារដោះដូរកីឡាកររដូវក្ដៅខាងមុខនេះ។

ខ្សែបម្រើសញ្ជាតិបារាំងរូបនេះ នៅក្នុងប៉ុន្មានសប្ដាហ៍នេះត្រូវបានអ្នកកាសែតជាច្រើនបានចោទជាសំណួរសួរមកកាន់រូបគេអំពីអនាគតរបស់គេនៅក្នុងក្លឹបបិសាចក្រហម Manchester United ខណៈដែលមួយរយៈចុងក្រោយនេះ Pogba ពុំសូវបានជាប់ជម្រើសដំបូងនៅក្រោមការដឹកនាំរបស់លោក Jose Mourinho។

ប៉ុន្ដែកាលពីពេលថ្មីៗនេះ លោក Jose Mourinho បានសម្រេចចិត្តថានឹងមិនលក់ខ្សែបម្រើ Paul Pogba នៅក្នុងរដូវក្ដៅខាងមុខនេះទេ ដោយសារតែលោក Mourinho មានអារម្មណ៍ថាលោកនៅតែបន្ដជឿជាក់លើគុណភាពរបស់ Pogba ហើយ Pogba អាចនឹងជួយកែប្រែស្ថានការរបស់ក្លឹបបិសាចក្រហម Manchester United បាននៅក្នុងរដូវកាលក្រោយ។

បុត្រ

ប្រភព៖ Goal