បុគ្គលិកហ្វេសប៊ុកម្នាក់ស្លាប់នៅទីស្នាក់ការកណ្តាល ប៉ូលិសសង្ស័យថាជាការធ្វើអត្តឃាតដោយលោតពីលើអគារជាន់ទី៤

នៅថ្ងៃសុក្រ ទី២០ ខែកញ្ញានេះ The Businessinsider បានរាយការណ៍ថា មានមនុស្សម្នាក់បានស្លាប់ ដោយសង្ស័យថាបានធ្វើអត្តឃាតនៅទីស្នាក់ការកណ្តាលរបស់ហ្វេសប៊ុកនៅតំបន់ Menlo Park ។ ប៉ូលិសបាននិយាយថា បុរសរូបនេះបានលោតពីជាន់ទីបួន នៃអគារការិយាល័យ។ ទោះបីជាយ៉ាងណាក្តីមកដល់ពេលនេះអត្តសញ្ញាណនិងឈ្មោះនៃជនរងគ្រោះមិនត្រូវបានប្រកាសនៅឡើយទេ។

អ្នកនាំពាក្យហ្វេសប៊ុកបាននិយាយថាយើងមានការសោកសៅយ៉ាងខ្លាំងនៅពេលដឹងថានិយោជិកម្នាក់របស់យើងបានទទួលមរណភាពនៅទីស្នាក់ការកណ្តាល Menlo Park របស់យើងនៅព្រឹកថ្ងៃនេះ។ អ្នកនាំពាក្យរូបនេះបានបន្តទៀតថាយើងកំពុងសហការជាមួយប៉ូលិសក្នុងការស៊ើបអង្កេតលើករណីនេះជាមុនសិនហើយយើងក៏កំពុងផ្តល់ព័ត៌មានទៅកាន់ក្រុមគ្រួសារប៉ុន្តែមិនមានអ្វីដែលយើងអាចបន្ថែមលើសពីនេះទៀតឡើយ៕

អត្ថបទ៖ Lee