ឃើញបុរសម្នាក់ជិះម៉ូតូ​ រអិល​ដួល​ដោយ​ខ្លួន​ឯង ឯកឧត្តម គួច ចំរើន​ ចុះមកជួយព្រមទាំងហៅឡានសង្គ្រោះបន្ទាន់ឲ្យដឹកទៅពេទ្យព្យាបាលរបួសភ្លាមៗ

យោងតាមការបង្ហោះរបស់ហ្វេសប៊ុកផេក ប្រជាជន ខេត្តព្រះសីហនុ បានឲ្យដឹងថានៅវេលាម៉ោង​ ៥និង៤០នាទី​ល្ងាច​ថ្ងៃទី០១​ ខែតុលា​ ឆ្នាំ​២០១៩​ នៅពេលដែល​ ឯកឧត្តម​ គួច​ ចំរើន​ អភិបាល​ នៃ​គណៈអភិបាល​ខេត្តព្រះសីហនុ​ ធ្វើ​ដំណើរ​ឆ្លងកាត់​ផ្លូវ​ អូរត្រាវ ក៏ប្រទះឃេីញបុរសម្នាក់ជិះម៉ូតូ​ រអិល​ដួល​ដោយ​ខ្លួន​ឯង​។

ពេលនោះ​ ឯកឧត្ដម​ គួច​ ចំរើន​ ក៏​បាន​ចុះមកជួយនិងអន្តរាគមន៏​ភ្លាម​ៗ​ ដោយបានហៅឡានសង្គ្រោះបន្ទាន់មកដឹកអ្នកជម្ងឺ​យកទៅមន្ទីរពេទ្យ​ ចំណែកម៉ូតូត្រូវបានកងរាជអាវុធហត្ថក្រុង​ យកទៅរក្សាទុកជូនក្រុមគ្រួសារ​។ មហាជនបានស្ងើចសរសេរចំពោះទឹកចិត្តរបស់អភិបាលខេត្តព្រះសីហនុ ដោយបានលើកឡើងថាទីណាកន្លែងណា ក៏ឯកឧត្តម គួច ចំរើន នៅតែយកចិត្តទុកដាក់ខ្ពស់ ចំពោះសុខទុក្ខរបស់ប្រជាពលរដ្ឋ៕

ប្រភព៖ ប្រជាជន ខេត្តព្រះសីហនុ