បាញ់ទៀតហើយ! ស្លាប់ ៣នាក់ និងរបួស ៩នាក់ ចំថ្ងៃបុណ្យ Halloween នៅឡងប៊ិច រដ្ឋកាលីហ្វ័រញ៉ា សហរដ្ឋអាមេរិក

ការបាញ់ប្រហារមួយបានកើតឡើងនៅឯពិធីជប់លៀងក្រៅផ្ទះមួយ នៅទីក្រុងឡុងប៊ិច រដ្ឋកាលីហ្វ័រញ៉ា សហរដ្ឋអាមេរិក ដែលវាបានបណ្តាលឱ្យមនុស្សយ៉ាងតិច ៣នាក់បានស្លាប់ និងរងរបួស ៩នាក់ផ្សេងទៀត។ ហើតុការណ៍កើតនៅយប់ថ្ងៃអង្គារម៉ោង ១០ និង ៤៤នាទី ត្រូវជាម៉ោង ១២ និង ៤៤នាទីថ្ងៃត្រង់ (នៅកម្ពុជា) ។ ប្រព័ន្ធផ្សព្វផ្សាយក្នុងស្រុកបានរាយការណ៍ថា សំបកគ្រាប់ជាច្រើនត្រូវបានខ្ចាត់ខ្ចាយពេញក្រោយផ្ទះ ដែលជាកន្លែងដែលពិធីជប់លៀងបានប្រារព្ធឡើង។

នាយកដ្ឋានពន្លត់អគ្គីភ័យនៅឡងប៊ិចបាននិយាយថា មនុស្ស ៥នាក់ដែលបានរងរបួសនៅក្នុងឧប្បត្តិហេតុនេះត្រូវការការព្យាបាលជាបន្ទាន់។ មនុស្សបួននាក់ផ្សេងទៀតបានរងរបួស ប៉ុន្តែការរងរបួសរបស់ពួកគេមិនបានគំរាមកំហែងដល់អាយុជីវិតទេ។ បច្ចុប្បន្នមិនមានការពិពណ៌នាអំពីជនសង្ស័យនៅឡើយទេ៕

អត្ថបទ៖ លីដា