អ្នកនយោបាយ ២នាក់ ត្រូវបានចិនហាមឃាត់មិនឱ្យចូលប្រទេស ព្រោះតែពួកគេនិយាយថាចិនជ្រៀតជ្រែកនយោបាយអូស្ត្រាលី

អ្នកនយោបាយអូស្រ្តាលីពីរនាក់ដែលត្រូវបានហាមឃាត់មិនឱ្យចូលប្រទេសចិនបាននិយាយថា ពួកគេនឹងមិនដកពាក្យរិះគន់របស់ពួកគេទៅលើប្រទេសចិននោះទេ។ អ្នកនយោបាយទាំង២ គឺលោក Andrew Hastie និងលោក James Paterson សមាជិករដ្ឋាភិបាល ដែលការពិតពួកគេគ្រោងត្រូវទៅទស្សនកិច្ចសិក្សានៅប្រទេសចិននៅខែក្រោយ ប៉ុន្តែពាក្យសុំទិដ្ឋាការរបស់ពួកគេត្រូវបានបដិសេធ ហើយស្ថានទូតចិនបាននិយាយថា ពួកគេអាចទៅលេងបានលុះត្រាតែពួកគេ «ដកពាក្យចេញ» ចំពោះការអត្ថាធិប្បាយរបស់ពួកគេរិះគន់លើប្រទេសចិន។ ប៉ុន្តែយ៉ាងណាទាំងលោក Hastie និងលោក Paterson បានច្រានចោលការទាមទាររបស់ខាងចិន និងប្រកាន់ជំហររបស់ខ្លួនជាដាច់ខាត។

អ្នកនយោបាយអភិរក្សនិយមទាំង ២ បាននិយាយរិះគន់ចិនយ៉ាងខ្លាំង ដោយថាលូកដៃរបាយការណ៍សិទ្ធិមនុស្សរបស់ខ្លួន និងការជ្រៀតជ្រែកនៅក្នុងនយោបាយអូស្ត្រាលី។ យោងតាមក្រុមអ្នកជំនាញចិន Matters បានឱ្យដឹងថា អ្នកនយោបាយទី៣ ដែលត្រូវទៅធ្វើទស្សនកិច្ចនោះ គឺលោក Matt Keogh សមាជិកសភាការងារមិនបានត្រូវគេបដិសេធមិនផ្តល់ទិដ្ឋាការទេ។ មានការជជែកដេញដោលគ្នាអំពីឥទ្ធិពលរបស់ចិននៅអូស្រ្តាលី ដោយអ្នកនយោបាយខ្លះបានចោទប្រកាន់ទីក្រុងប៉េកាំងថា ព្យាយាមជ្រៀតចូលក្នុងនយោបាយអូស្ត្រាលីតាមរយៈការបរិច្ចាគ។

ទោះយ៉ាងណាអ្នកខ្លះទៀតជឿថា ការចោទប្រកាន់នេះកំពុងបញ្ឆេះការស្អប់ខ្ពើមជនស៊ីវិល និងបង្កអន្តរាយដល់ទំនាក់ទំនងរវាងប្រទេសទាំងពីរ។ នៅក្នុងសេចក្តីថ្លែងការណ៍មួយបន្ទាប់ពីទិដ្ឋាការរបស់លោក Hastie និងលោក Paterson ត្រូវបានបដិសេធ អ្នកនាំពាក្យរបស់ស្ថានទូតចិនបាននិយាយថា ពួកគេមិនស្វាគមន៍អ្នកដែលធ្វើការវាយប្រហារដោយគ្មានការធានាលើប្រទេសនោះទេ៕

អត្ថបទ៖ លីដា