កើនឡើងទៀតហើយ! ចំនួនអ្នកផ្ទុកមេរោគថ្មីកើនដល់ជាង៨០០នាក់ ឯអ្នកស្លាប់ឡើងដល់២៥នាក់

ចិន៖ គណៈកម្មាធិការសុខភាពប្រទេសចិនបានបញ្ជាក់នៅថ្ងៃសុក្រ ទី២៤ ខែមករា នេះថា បានបញ្ជាក់ថាមានអ្នកជំងឺ ៨៣០ នាក់បានឆ្លងវីរុសថ្មីនេះគិត្រឹមថ្ងៃទី២៣ ខែមករា ខណៈចំនួនអ្នកស្លាប់បានកើនឡើងដល់ ២៥ នាក់។ ស្ថាប័នខាងលើបាននិយាយទៀតថា អាជ្ញាធរក៏កំពុងពិនិត្យមើលករណីសង្ស័យនៃវីរុសចំនួន ១០៧២ ករណីផងដែរ។

វីរុស Coronavirus ដែលចាប់ផ្តើមរាតត្បាតនៅទីក្រុង Wuhan ក្នុងខេត្ត Hubei ប្រទេសចិន បានរាលដាលដល់ទីក្រុងធំៗផ្សេងទៀតរួមមានទីក្រុងប៉េកាំង សៀងហៃនិងហុងកុង។ ក្រោយមកក៏បានបន្តរាលដាលឆ្លងទៅក្រៅប្រទេសដូចជាប្រទេសសិង្ហបុរី ជប៉ុន ថៃ កូរ៉េខាងត្បូង តៃវ៉ាន់ វៀតណាម និងសហរដ្ឋអាមេរិក៕

អត្ថបទ៖ សេម