អ្នកចាត់ការនិងជាគ្រូបង្វឹករបស់ក្លឹបអ្នកមានបុណ្យ Barcelona លោក Ernesto Valverde កំពុងពិចារណាក្នុងការចាកចេញពីទឹកដី Camp Nou នៅក្នុងពេលបញ្ចប់រដូវកាលខាងមុខនេះ យោងតាមសារពត៌មាន AS បានចុះផ្សាយ។

ទោះបីជាក្នុងពេលថ្មីៗនេះលោក Ernesto Valverde បានដឹកនាំក្លឹបអ្នកមានបុណ្យ Barcelona ឈ្នះពានរង្វាន់ Copa De Rey លើកទី 30 ហើយកំពុងដឹកនាំ Barcelona លេងនៅក្នុងពានរង្វាន់ Laliga មិនទាន់ស្គាល់ពាក្យថាចាញ់ក៏ដោយ ក៏លោក Ernesto Valverde អាចនឹងដើរចេញពីក្លឹបអ្នកមានបុណ្យ Barcelona នៅក្នុងពេលបញ្ចប់រដូវកាលនេះដែរ។

រដូវកាល 2017-2018 គឺជារដូវកាលដំបូងរបស់លោក Ernesto Valverde ចូលមកដឹកនាំក្លឹបអ្នកមានបុណ្យ Barcelona។ គ្រូបង្វឹកវ័យ 54 ឆ្នាំរូបនេះបង្ហាញអារម្មណ៍មិនសប្បាយចិត្តក្រោយពេលដឹកនាំក្លឹប Barcelona ធ្លាក់នៅក្នុងការប្រកួតពានរង្វាន់ UEFA Champion League វគ្គ 8 ក្រុមចុងក្រោយធ្វើអោយលោក Valverde ពិចារណាក្នុងការចាកចេញពីក្លឹប Barcelona។ លោកគិតថានេះគឺជារដូវកាលដ៏បរាជ័យរបស់លោកបន្ទាប់ពីរូបលោកធ្វើអោយ Barcelona ធ្លាក់នៅក្នុងវគ្គ 8 ក្រុមពានរង្វាន់ Champion League។

បុត្រ

ប្រភព៖ Goal