មានការផ្ទុះកំហឹងយ៉ាងខ្លាំងលើមន្ត្រីឥណ្ឌា បន្ទាប់ពីពួកគេបានបាញ់ថ្នាំសម្លាប់មេរោគលើអ្នកចំណាកស្រុក ដែលត្រឡប់មកប្រទេសវិញ
ការស៊ើបអង្កេតមួយត្រូវបានធ្វើឡើង បន្ទាប់ពីវីដេអូមួយបង្ហាញថា ក្រុមពលករចំណាកស្រុកមួយក្រុម ត្រូវបានពួកមន្រ្តីឥណ្ឌាបាញ់ថ្នាំសម្លាប់មេរោគលើខ្លួនពួកគេ។ ពួកគេជាជនចំណាកស្រុកដែលបានវិលត្រឡប់ទៅទីក្រុង Bareilly នៅរដ្ឋ Uttar Pradesh ភាគខាងជើង។ ពួកគេស្ថិតក្នុងចំណោមមនុស្សរាប់លាននាក់ ដែលបានវិលត្រឡប់ទៅភូមិកំណើតរបស់ពួកគេវិញ នៅពេលឥណ្ឌាមានការបិទទ្វាររយៈពេលបីសប្តាហ៍ទូទាំងប្រទេស។
ការបិទទ្វារប្រទេសនេះគឺដើម្បីបញ្ឈប់ការរីករាលដាលនៃវីរុស COVID-19 ប៉ុន្តែមានការភ័យខ្លាចថាអ្នកដែលបានវិលត្រឡប់អាចឆ្លងរាលដាលវីរុសនេះបន្ថែមទៀត។ ខ្សែវីដេអូដែលត្រូវបានគេមើលជិត ៤០០,០០០ដង (ពេលនេះជាង១លានដង) បន្ទាប់ពីវាត្រូវបានបង្ហោះដោយអ្នកកាសែត Times of India បានបង្ហាញក្រុមអង្គុយនៅលើដី ខណៈពេលដែលមន្រ្តីមន្ទីរពេទ្យ និងអគ្គីភ័យ ស្លៀកពាក់ឈុតការពារ hazmat និងបាញ់អ្នកចំណាកស្រុកទាំងនោះ ជាមួយនឹងថ្នាំគីមីសម្លាប់មេរោគ។
នៅក្នុងវីដេអូទាំងមូលបានបង្ហាញថា ពួកមន្រ្តីបានស្រែកណែនាំតាមមេក្រូ ស្នើឱ្យកម្មករបិទភ្នែក និងមាត់របស់ពួកគេ ដែលលោកអ្នកទស្សនាបាននៅខាងក្រោមនេះ៖
Who r u trying to kill, Corona or humans? Migrant labourers and their families were forced to take bath in chemical solution upon their entry in Bareilly. @Uppolice@bareillytraffic @Benarasiyaa @shaileshNBT pic.twitter.com/JVGSvGqONm
— Kanwardeep singh (@KanwardeepsTOI) March 30, 2020
អត្ថបទ៖ លីដា
ប្រភព៖ BBC