Breaking News! លោក ដូណាល់ ត្រាំ បញ្ជាផ្អាកមិនឲ្យជនអន្តោប្រវេសន៍ទាំងអស់ ចូលទឹកដីសហរដ្ឋអាមេរិកឡើយ
ប្រធានាធិបតីអាមេរិកលោក ដូណាល់ ត្រាំ បាននិយាយថា លោកនឹងចុះហត្ថលេខាលើបទបញ្ជាប្រតិបត្តិមួយ ដែលផ្អាកការចូលរាល់ជនអន្តោប្រវេសន៍មកកាន់សហរដ្ឋអាមេរិក ដោយលើកឡើងពីតម្រូវការការពារការងាររបស់អាមេរិក ចំពេលវិបត្តិ COVID-19 កំពុងបន្ត។
លោក ដូណាល់ ត្រាំ បានសរសេរលើបណ្ដាញ Twitter មុននេះថា៖ «យោងតាមការវាយប្រហារពីសត្រូវដែលមើលមិនឃើញ ក៏ដូចជាតម្រូវការការពារការងាររបស់ពលរដ្ឋអាមេរិកដ៏អស្ចារ្យ ខ្ញុំនឹងចុះហត្ថលេខាលើបទបញ្ជាប្រតិបត្តិដើម្បីបញ្ឈប់ការធ្វើអន្តោប្រវេសន៍ទៅសហរដ្ឋអាមេរិកជាបណ្តោះអាសន្ន!» លោក ដូណាល់ ត្រាំ បានសរសេរវានៅមុននេះបន្ដិច ដែលត្រូវជាយប់ថ្ងៃចន្ទនៅសហរដ្ឋអាមេរិក៕
In light of the attack from the Invisible Enemy, as well as the need to protect the jobs of our GREAT American Citizens, I will be signing an Executive Order to temporarily suspend immigration into the United States!
— Donald J. Trump (@realDonaldTrump) April 21, 2020
អត្ថបទ៖ លីដា