អ្នកបញ្ចូលសំឡេងឲ្យតួអង្គរឿង ‘Pokémon’ បានទទួលមរណៈភាព ដោយសាតែជំងឺកូវីដ ១៩

ជប៉ុន​៖ លោកស្រី Kumiko Okae ដែលជាអ្នកបញ្ចូលសំឡេងដ៏ល្បីល្បាញរបស់ជប៉ុនត្រូវបានសារព័ត៌មានជប៉ុន Nippon រាយការណ៍ថា បានស្លាប់បាត់បង់ជីវិតហើយក្រោយលោកស្រីបានឆ្លងមេរោគកូវីដ ១៩ កាលពីថ្ងៃទី ៣ ខែមេសាកន្លងមកនេះ។ ប្រភពខាងលើបានបន្តថា លោកស្រី Kumiko Okae ដែលមានឈ្មោះដើមថា Kumiko Owada បានស្លាប់នៅថ្ងៃទី ២៣ មេសា ក្នុងអាយុ៦៣ឆ្នាំ នៅឯនៅក្នុងមន្ទីរពេទ្យក្រុងតូក្យូ បន្ទាប់ពីមេរោគកូវីដេ ១៩ បានបំផ្លាញបេះដូងនិងសួតរបស់គាត់យ៉ាងធ្ងន់ធ្ងរ។

នៅក្នុងជីវិតការងាររបស់គាត់ចាប់តាំងពីឆ្នាំ ១៩៧៥ មក លោកស្រី Kumiko Okae​ ធ្លាប់បានបញ្ចូលសំឡេងនៅក្នុងខែ្សភាពយន្ត គំនូជីវចល ភាពយន្តឯកសារ ហ្គេម និងស្ពតពាណិជ្ជកម្មល្បីៗជាច្រើនដូចជា ហ្គេម “Renso Game”  រឿង“The Dog of Flanders” “The Cat Returns” ហើយស្នាដៃមួយដែលគេមិនអាចបំភ្លេចបាននោះគឺគាត់បានបញ្ចូលសំឡេងនៅក្នុងខ្សែភាពយន្តគំនូជីវចលរឿង ‘Pokémon’ ដោយបញ្ចូលសំឡេងឲ្យតួមន្ត្រីស្រីម្នាក់ឈ្មោះ Jenny។ សម្រាប់ជីវិតឯកជនវិញ លោកស្រី Kumiko Okae​ មានស្វាមីឈ្មោះ Baku Owada អាយុ ៦៩ ឆ្នាំ និងមានកូនស្រីម្នាក់ឈ្មោះ Miho Owada អាយុ ៣៦ ឆ្នាំ និងមានការងារជាតារាសម្តែង។ ប្រិយមិត្តរបស់ខ្សែភាពយន្ត ‘Pokémon’ ជាច្រើនបានសម្ដែងនូវសេចក្តីក្រៀមក្រំយ៉ាងខ្លាំងចំពោះដំណឹងមរណភាពនេះ និងបានបួងសួងសុំឲ្យវិញ្ញាណក្ខន្ធរបស់លោកស្រីបានទៅសុខគតិភពផងដែរ៕

អត្ថបទ៖ ភក្តី

ប្រភព៖ Nippon