កំពូលជើងខ្លាំងគុនខ្មែរកីឡាករ ម៉ានូអែល និង ពេជ្រ សម្បត្តិ នឹងត្រូវប៉ះគ្នាជាមួយកីឡាករមកពីក្រៅប្រទេសនៅល្ងាចនេះ
- BY
- srey nuch
- June 5, 2023
រាជធានីភ្នំពេញ៖ នៅថ្ងៃទី០៥ ខែមិថុនា ឆ្នាំ២០២៣ យោងតាមគណនីហ្វេសប៊ុកផ្ទាល់របស់ ឧកញ៉ា ស្រី ចាន់ថន ដែលជាអនុប្រធានកិត្តិយស របស់សហព័ន្ធកីឡាប្រដាល់គុណខ្មែរ បានប្រកាសឱ្យដឹងថា កីឡាករនៅក្លឹប Kun Khmer World Champion ចំនួន ២រូប ដែលសុទ្ធសឹងតែជាកំពូលជើងខ្លាំងគុនខ្មែរ គឺកីឡាករម៉ានូអែល និងពេជ្រ សម្បត្តិ នឹងត្រូវប៉ះគ្នាជាមួយកីឡាករ មកពីក្រៅប្រទេសនៅលើសង្វៀន មរតកគុនខ្មែរ NNP នៅល្ងាចនេះ។
តាមរយៈ គណនីហ្វេសប៊ុកផ្ទាល់របស់ ឧកញ៉ា ស្រី ចាន់ថន បានមានខ្លឹមសារយ៉ាងដូច្នេះថា៖ « ជំរាបសួរបងប្អូនជាទីគោរព! ថ្ងៃទី០៥ ខែមិថុនានេះ កីឡាករនៅក្លឹប(Kun Khmer World Champion) របស់យើង ២រូប នឹងធ្វើកាប្រកួតក្នុងកម្មវិធី (មរតកគុនខ្មែរ NNP) ចាប់ពីម៉ោង៦ល្ងាចតទៅ ដូច្នេះសូមបងប្អូនជួយស៊ែរ និងចូលរួមគាំទ្រលើកទឹកចិត្តដល់កីឡាករគុនខ្មែររបស់យើងផង។»
ឧកញ៉ា ស្រី ចាន់ថន បានបន្តទៀតថា៖ «ក្នុងនាមខ្ញុំជាខ្មែរមួយរូប ខ្ញុំបានយកចិត្តទុកដាក់ជាខ្លាំងចំពោះកីឡាករគុនខ្មែររបស់យើងដែលមានបញ្ហាផ្សេងៗកន្លងទៅ ព្រោះខ្ញុំចង់ឃើញគុនខ្មែរយើងរីកចម្រើនទៅកាន់ឆាកអន្តរជាតិក្នុងពេលឆាប់ៗនេះ។ ខ្មែរស្រឡាញ់ខ្មែរ ខ្មែរលើកស្ទួយខ្មែរ ខ្មែររួបរួមគ្នា ខ្មែរអាចធ្វើបាន។ ដោយក្ដីគោរព និងស្រឡាញ់បំផុតពីខ្ញុំបាទ ស្រី ចាន់ថន» ៕
ប្រភព៖ ស្រី ចាន់ថន Srey Chanthorn
- Share This Post: