តារាចម្រៀងវ័យក្មេងដែលគេកំពុងតែចាប់អារម្មណ៍ខ្លាំង ខណៈពេលដែលលោកទើបតែភ្ជាប់ពាក្យថ្មីៗជាមួយកូនម្ចាស់ជំនួញគ្រឿងសំអាង គឺលោក នី រតនា ហាក់ដូចជាមានប្រជាប្រិយភាពខ្លាំងមិនចាញ់តារាជើងចាស់ឡើយ ដោយនារាត្រីនេះផ្ទាល់គ្រាន់តែតារាចម្រៀងឡើងដល់លើឆាកតន្ត្រី GANZBERG GOLD MEDAL CONCERT ភ្លាមទស្សនិកជន អ្នកខេត្តកំពត នាំគ្នាស្រែកហ៊ោរតែម្តង។

ដើម្បីបង្កភាពសប្បាយរីករាយ នី រតនា ក៏បានបង្ហើរសំនៀងចំនួន ៤បទជាប់គ្នាមានទាំងបទញាក់និងមនោសញ្ចេតនាផងដែរ។ ក្រៅពីតារាចម្រៀង នី រតនា ក៏មានតារាចម្រៀងជាច្រើនដួងទៀតបានកំដរអារម្មណ៍ទស្សនិកជន អោយសប្បាយរីករាយយ៉ាងខ្លាំងផងដែរនាឪកាសថ្ងៃចុងសប្តាហ៍នេះ។ គួរបញ្ជាក់ផងដែរថាព្រឹត្តិការណ៍ប្រគុំតន្ត្រីទេសចរណ៍ GANZBERG GOLD MEDAL CONCERT នឹងធ្វើឡើងចំនួន ៥ ខេត្តក្រុងផ្សេងៗគ្នា ដើម្បីអបអរសាទរដែលស្រាបៀរ GANZBERG ឈ្នះមេដាយមាសលំដាប់ថ្នាក់ពិភពលោក ចំនួន ២ឆ្នាំជាប់គ្នា ពីស្ថាប័នកំពូល MONDE SELECTION៕