លោក វង្ស តារារតនា បានបញ្ចេញបទថ្មីរបស់ខ្លួនលើកដំបូងបង្អស់នៅលើឆាកព្រឹត្តិការណ៍ប្រគុំតន្ត្រី GANZBERG GOLD MEDAL CONCERT 2018 នៅសួនច្បារមាត់ព្រែក ទីរួមខេត្តកំពត ធ្វើអោយទស្សនិកជនមានការភ្ញាក់ផ្អើលយ៉ាងខ្លាំង ជាមួយបទមនោសញ្ចេតនា យ៉ាងពិរោះរបស់លោក។ បទចម្រៀង Original ថ្មីរបស់លោកមានចំណងជើងថា “បើសិនចិត្តអូនបានដឹង” ហើយលោកបានបញ្ចាក់ថាបទនេះដែរ លោកច្រៀងជាលើកទី១ហើយ គឺនៅលើឆាកតន្ត្រីនេះផ្ទាល់តែម្តង។

តារាចម្រៀងសំលេង Rock រូបនេះដែរក៏បានបង្ហើរសំនៀរចម្រៀងស្រែកស្ទើរដាច់បំពង់ក ធ្វើអោយទស្សនិកជនស្រែកហ៊ោរ យ៉ាងខ្លាំងផងដែរ គួរជាទីចាប់អារម្មណ៍។ គួរបញ្ជាក់ផងដែរថាព្រឹត្តិការណ៍ប្រគុំតន្ត្រីទេសចរណ៍ GANZBERG GOLD MEDAL CONCERT 2018 បានរៀបចំឡើងនៅខេត្តកំពត រយៈពេល២យប់ជាប់គ្នាគឺយប់ថ្ងៃទី១៨ និង ទី១៩ ខែឧសភា ឆ្នាំ២០១៨ ដោយមានតារាចម្រៀងល្បីឈ្មោះរបស់ផលិតកម្មហង្សមាស ជាច្រើនចូលរួមផងដែរ ដើម្បីអបអរសាទរដែលស្រាបៀរ GANZBERG បានឈ្នះមេដាយមាសលំដាប់ថ្នាក់ពិភពលោកចំនួន ២ឆ្នាំជាប់គ្នា ពីស្ថាប័នកំពូល MONDE SELECTION ហើយព្រឹត្តិការណ៍ប្រគុំតន្ត្រីដ៏អស្ចារ្យនេះ នឹងបន្តធ្វើឡើងនៅខេត្តស្វាយរៀងជាបន្តទៀតនៅសប្តាហ៍ក្រោយផងដែរ៕