ប្រទេសចិនបានបិទទ្វារទីក្រុងមួយដែលជាប់របងជាមួយប្រទេសភូមា បន្ទាប់ពីមានករណីជំងឺកូវីដ១៩ ថ្មីៗកើតចេញពីអន្តោប្រវេសន៍ខុសច្បាប់

យោងតាមការចុះផ្សាយរបស់សារព័ត៌មាន Channel News Asia នៅថ្ងៃអង្គារ ទី១៥ ខែកញ្ញា ឆ្នាំ២០២០ បាននិយាយថា ប្រទេសចិនបានចាក់សោទីក្រុងមួយនៅជាប់ព្រំដែនជាមួយប្រទេសភូមា ហើយនឹងចាប់ផ្តើមកម្មវិធីតេស្តរកជំងឺ COVID-19 ទ្រង់ទ្រាយធំមួយ បន្ទាប់ពីបានរកឃើញករណីឆ្លងថ្មីមួយចំនួននៅទីនោះ។ ករណីថ្មីមានទាំងអស់ចំនួន ៣ ដែលត្រូវបានគេរកឃើញនៅក្នុងទីក្រុង Ruili នៅភាគខាងលិចខេត្តយូណាន ដែលជាចំណុចឆ្លងកាត់ព្រំដែនគោកដ៏សំខាន់មួយជាមួយភូមា។

មន្ត្រីក្រុងបាននិយាយនៅក្នុងសេចក្តីថ្លែងការណ៍មួយថា អ្នកស្រុកត្រូវបានគេប្រាប់ឱ្យស្នាក់នៅផ្ទះ ហើយប្រជាជនត្រូវបានហាមឃាត់មិនឱ្យចូល ឬចាកចេញពីទីក្រុងចាប់ពីល្ងាចថ្ងៃច័ន្ទ។ ពួកគេបាននិយាយថា អ្នកស្រុកទាំងអស់នឹងត្រូវធ្វើតេស្តរកមើលជំងឺ COVID-19 នៅក្រុង Ruili ដែលជាទីក្រុងនៃមនុស្សជាង ២១០,០០០នាក់។ អាជីវកម្មត្រូវបានបិទ លើកលែងតែផ្សារទំនើប ឱសថស្ថាន និងទីផ្សារម្ហូបអាហារ។ ក្រុមមន្រ្តីបាននិយាយថា ការឆ្លងទាំងនេះត្រូវបាននាំមកពីប្រទេសភូមា ហើយអាជ្ញាធរចិននឹងបង្ក្រាបជនអន្តោប្រវេសន៍ខុសច្បាប់ទាំងនេះ៕

អត្ថបទ៖ លីដា
ប្រភព៖ Channel News Asia