អាមេរិកព្រមាននឹងសងទៅវិញ ១,០០០ដង ប្រសិនបើអ៉ីរ៉ង់គិតចង់ធ្វើឃាតឯកអគ្គរដ្ឋទូត ឬពលរដ្ឋអាមេរិកណាម្នាក់
- BY
- autoadmin
- September 15, 2020
មុននេះបន្ដិចប្រធានាធិបតីអាមេរិកលោក ដូណាល់ ត្រាំ បានបង្ហោះសារនៅលើបណ្ដាញ Twitter ចេញសេចក្តីព្រមានដ៏តឹងរឹងដល់អ៉ីរ៉ង់ថា ការប៉ុនប៉ងធ្វើឃាត ឬវាយប្រហារប្រឆាំងនឹងសហរដ្ឋអាមេរិករបស់អ៉ីរ៉ង នៅក្នុងការសងសឹកមកវិញចំពោះការធ្វើឃាតឧត្តមសេនីយ៍ Qassem Soleimani កាលពីដើមឆ្នាំនេះ នឹងត្រូវឆ្លើយតបទៅវិញ ១,០០០ដង ។ លោក ដូណាល់ ត្រាំ មានប្រតិកម្មភ្លាមៗបែបនេះ បន្ទាប់ពីបានដំណឹងមកថា រដ្ឋាភិបាលក្រុងតេអេរ៉ង់កំពុងពិចារណាលើការប៉ុនប៉ងធ្វើឃាតលើលោកស្រី Lana Marks ឯកអគ្គរដ្ឋទូតសហរដ្ឋអាមេរិកប្រចាំនៅអាហ្វ្រិកខាងត្បូង។
ការពិតទៅមន្រ្តីសហរដ្ឋអាមេរិកបានដឹងអំពីការគំរាមកំហែងប្រឆាំងនឹងឯកអគ្គរដ្ឋទូតចាប់តាំងពីនិទាឃរដូវ ប៉ុន្តែការស៊ើបការណ៍សម្ងាត់បង្ហាញថា ការគំរាមកំហែងទាំងនោះកាន់តែមានលក្ខណៈជាក់លាក់នៅក្នុងប៉ុន្មានសប្តាហ៍ថ្មីៗនេះ។ លោក ដូណាល់ ត្រាំ បានសរសេរថា៖«យោងតាមរបាយការណ៍សារព័ត៌មាន អ៉ីរ៉ង់អាចនឹងមានគម្រោងធ្វើឃាត ឬការវាយប្រហារផ្សេងទៀតប្រឆាំងនឹងសហរដ្ឋអាមេរិក ក្នុងការសងសឹកចំពោះការធ្វើឃាតលើមេដឹកនាំភេរវករ Soleimani ដែលត្រូវបាន [អាមេរិក] ធ្វើឡើងដោយសារគាត់មានផែនការវាយប្រហារអាមេរិកនាពេលអនាគត។ ការវាយប្រហារណាមួយរបស់អ៉ីរ៉ង់ ទោះក្នុងទម្រង់ណាក៏ដោយប្រឆាំងនឹងសហរដ្ឋអាមេរិក នឹងត្រូវប្រឈមមុខនឹងការវាយប្រហារទៅវិញក្នុងទំហំធំជាង ១,០០០ ដងឯណោះ!»
…caused over so many years. Any attack by Iran, in any form, against the United States will be met with an attack on Iran that will be 1,000 times greater in magnitude!
— Donald J. Trump (@realDonaldTrump) September 15, 2020
អត្ថបទ៖ លីដា
ប្រភព៖ Fox news
- Share This Post: