សាកទាយទាំងអស់គ្នាមើល! ក្នុងចំណោមប្រទេសទាំង 195 ក្នុងលោកតើប្រទេសមួយណាឈ្នះពានរង្វាន់ FIFA World Cup ច្រើនជាងគេ?
ការប្រកួតពានរង្វាន់បាល់ទាត់ពិភពលោក Fifa World Cup បានចាប់ផ្ដើមដំបូងនៅក្នុងឆ្នាំ 1930 គិតមកដល់ឆ្នាំ 2018 នេះគឺជាការប្រកួតពានរង្វាន់ Fifa World Cup លើកទី 21 ខណៈដែលក្នុងនោះមានតែប្រទេសប្រេស៊ីលតែប៉ុណ្ណោះដែលធ្លាប់ឈ្នះពានរង្វាន់បាល់ទាត់ពិភពលោកនេះដល់ទៅ 5 សម័យកាល។
ការប្រកួតពានរង្វាន់បាល់ទាត់ពិភពលោក Fifa World Cup ដែលកើតឡើងនៅក្នុងរយៈពេល 4 ឆ្នាំម្ដងនោះហើយកើតឡើងដល់សព្វថ្ងៃនេះ គឺជាគំនិតផ្ដូចផ្ដើមបង្កើតឡើងដោយសហព័ន្ធបាល់ទាត់ពិភពលោកហៅកាត់ថា Fifa (Fédération Internationale de Football Association)។ ប្រកួតដំបូងគឺចាប់ផ្ដើមនៅក្នុងឆ្នាំ 1930 ហើយការប្រកួតពានរង្វាន់ Fifa World Cup 2018 នឹងចាប់ផ្ដើមនៅក្នុងប៉ុន្មានថ្ងៃខាងមុខនេះនៅឯប្រទេសរុស្សី។ ការប្រកួតពានរង្វាន់បាល់ទាត់ពិភពលោក Fifa World Cup 2018 នេះគឺជាការប្រកួតលើកទី 21 ហើយគិតតាំងពីឆ្នាំ 1930 មក។ នៅក្នុងនោះមានតែប្រទេសប្រេស៊ីលតែមួយគត់ដែលធ្លាប់ឈ្នះពានរង្វាន់ Fifa World Cup បានច្រើនជាងគេ ហើយគឺជាប្រទេសដំបូងដែលឈ្នះពានរង្វាន់ Fifa World Cup ដល់ទៅ 3 សម័យកាលត្រឹមតែរយៈពេល 16 ឆ្នាំ។
តោះទៅស្គាល់ប្រទេសទាំងអស់ដែលធ្លាប់ឈ្នះពានរង្វាន់ Fifa World Cup គិតចាប់តាំងពីឆ្នាំដែលការប្រកួតពានរង្វាន់បាល់ទាត់ពិភពលោកនេះបង្កើតឡើងឆ្នាំ 1930។
- ប្រទេស ប្រេស៊ីល ជាម្ចាស់ជើងឯកពានរង្វាន់បាល់ទាត់ពិភពលោក Fifa World Cup 5 សម័យកាល៖ ឆ្នាំ 1958, 1962, 1970, 1994, 2002។
- ប្រទេស អាឡឺម៉ង់ ជាម្ចាស់ជើងឯកពានរង្វាន់បាល់ទាត់ពិភពលោក Fifa World Cup 4 សម័យកាល៖ ឆ្នាំ 1954, 1974, 1990, 2014។
- ប្រទេស អុីតាលី ជាម្ចាស់ជើងឯកពានរង្វាន់បាល់ទាត់ពិភពលោក Fifa World Cup 4 សម័យកាល៖ ឆ្នាំ 1934, 1938, 1982, 2006។
- ប្រទេស អ៊ុយរ៉ាហ្គាយ ជាម្ចាស់ជើងឯកពានរង្វាន់បាល់ទាត់ពិភពលោក Fifa World Cup 2 សម័យកាល៖ ឆ្នាំ 1930, 1950។
- ប្រទេស អាហ្សង់ទីន ជាម្ចាស់ជើងឯកពានរង្វាន់បាល់ទាត់ពិភពលោក Fifa World Cup 2 សម័យកាល៖ ឆ្នាំ 1978, 1986។
- ចក្រភពអង់គ្លេស ជាម្ចាស់ជើងឯកពានរង្វាន់បាល់ទាត់ពិភពលោក Fifa World Cup 1 សម័យកាល៖ ឆ្នាំ 1966។
- ប្រទេស បារាំង ជាម្ចាស់ជើងឯកពានរង្វាន់បាល់ទាត់ពិភពលោក Fifa World Cup 1 សម័យកាល៖ ឆ្នាំ 1998។
- ប្រទេស អេស្ប៉ាញ ជាម្ចាស់ជើងឯកពានរង្វាន់បាល់ទាត់ពិភពលោក Fifa World Cup 1 សម័យកាល៖ ឆ្នាំ 2010។
បុត្រ